TURA: South Garo Hills-ni Nongalbibra-oni Garo Students’ Union (GSU), a·jao skul nokrangni namgijani bidingo gisiko nangatanikko nangnike Education Minister Rakkam A Sangma-na memorandum lekkako on·aha.
Union-ni parakatani gitade, a·jao bang·a skulrang nangchongmotgipa cholrangko man·jaenga, mitamrangde a·dokni ra·chakna man·gijanio ong·enga aro mitamrango taridapaniko aro name dake rakkina nanganio ga·akenga.
Union-ni gita mitam ia skulrangko janapangaha, Seroni nengminja Government Aided Secondary School jeon computer lab baksana ranta ka·anio dake nina Science lab-ko nangenga, Kama Pattargittim SSA LP/UP School jeon nokking dongja aro chu·onga class dringrang dongja, aro Jongsinggittim Non-Government LP School, jeon skul skigiparang chu·onga gita dongja.
Darang Boldak Government LP School aro Badri Maidugittim Non-Government LP School ge-2 skulrangkoba niangna nangenga. Union-ni parakatani gitade, ia ge-2 skulrangon nokking aro pakmarang nosto ong·aha aro iarangna ta·rake taridapaniko nangenga.
