Mendipathar-o Pepsi plant-ko songgen

SHILLONG: Garo Hills-ni Mendipathar-o Varun Beverages Ltd-ni Pepsi plant-ko songna mol·molaniko State Cabinet, ra·chakaniko on·aha.
Pepsi plant-na firm, kror 300 tangkako invest ka·gen jeon fruit juice ba biterangni juice-koba bikotjolgen ine Chief Minister Conrad Sangma aganaha.
Industrial policy-ni gita, Meghalaya sorkari, company-na tangka paisani gita dakchakpagen maina ua company, a·doko kror 100-na baten investment ka·enga.
Company-na subsidy, interest subvention aro SGST-ni reimbursement-ko on·gen.
Uandake ua company-o jolo man·gipa biterangni juice-ko tarigen aro 90 percent non-managerial staff-rang, 50 percent managerial staff-rangna jolni manderangkon ra·gen ine Sangma aganaha.
Mendipathar Industrial jolo company-o songahaode joloni sak 500 manderang janggi tangna gita kam ka·e cha·na cholrangko man·gnok.
A·dok sorkari, company-na a·ako parako on·gen aro kror 6 tangkako premium-ni gita on·aha.
Plant-ko rikna gita ru·uta somoina skangan ra·chakaniko on·ahachim indiba ia mamlako Cabinet-na pakwate donahachim, jekon da·ode Cabinet ra·chakaniko on·ataha.