Saturday, July 19, 2025
spot_img

Samanda C&RD Block-ni gital office-ko nokdonggae on·a

Date:

Share post:

spot_imgspot_img

A·dokni pilak Block-rangon gital office-rangko rikenga: Mondal

WILLIAMNAGAR: East Garo Hills a·jao donggipa Samanda C&RD Block-ni Block Integrated Development Complex-ko Sombar salo, a·dokni C&RD Minister AT Mondal nokdonggae on·angaha aro ia nokko nokdonggae on·anganio, a·dokni Soil & Water Conservation Minister Marcuise N Marak, East Garo Hills a·jani Deputy Commissioner Vibhor Aggarwal, DRDA-ni Project Director Reuben Ch Momin, Samanda Block-ni BDO Tochri R Sangma, sorkari officer-rang, Nokmarang aro Samanda Block ning·o songdongenggipa manderangba bak ra·angtokaha.
Ia gital office nokko nokdonggae on·anganio a·dokni C&RD Minister, jinmana aganprakangengon, a·doko donggipa C&RD Block-rangna gital office nokrangko rikna gita a·dokni chief minister, tangka paisarangko chame on·aha aro ia Block office-rangoni Samanda C&RD Block-ni gital office-an nokdonggae on·chenggipa office ong·enga ine parakataha.
Ia gital office nokko nokdonggae on·anichi Samanda Block ning·o songdongenggipa manderangna bang·en namgni ong·gnok maina ia gital office-ko rikanichi jolni manderang, ma·mong aro a·dok sorkarini on·enggipa scheme-rangko nambate ra·na man·gnok ineba ua aganaha.
Dingtang dingtang C&RD Block-ni ning·o songdongenggipa songni manderangna sorkarini on·enggipa dingtang dingtang scheme aro project-rangni giminba Mondal ia tom·anio agan-talate on·angaha.
Ia gital office nokko nokdonggae on·angani somoio a·dokni Soil & Water Conservation Minister Marcuise N Marak-ba jinmana aganprakengon, ia salara Samanda C&RD Block-ni ning·o donggipa manderangna gisik ra·beani sal ong·gen aro ia block-ni ning·o donggipa manderang da·ode sorkarini on·enggipa dingtang dingtang scheme aro project-rangko altubate ra·na man·gnok ine parakataha.
Iana skang apsan salon, East Garo Hills a·jani Rongrenggre Government Higher Secondary School kal·chakramo ‘artificial turf’-ko tarina gita a·dokni Soil & Water Conservation Minister aro Williamnagar-ni MLA Marcuise N Marak, pangchakaniko songe on·angaha.
Ia skulni kal·chakramo artificial turf-ko tarina gita pangchakaniko songe on·angan baksana Warimagre Govt LP School-ni gital nokkoba nokdonggae on·angjolaha.
Ia skul nokko District Mineral Fund-ni ning·o gong 73,36,000/- koros ong·e rikahachim.

spot_imgspot_img

Related articles

Druze-Bedouin clashes erupt after Syrian troop withdrawal

19Syrian government forces prepared to return to Sweida province Friday after renewed clashes between Druze militias and Sunni...

POT POURRI

Nagasaki cathedral replaces atomic bomb-destroyed bell Tokyo, July 18: A Nagasaki cathedral has blessed the final piece to complete...

World Watch

Pakistan forces nab five Afghan teen bombers at border PESHAWAR, July 18: Five Afghan suicide bombers aged 15-18 have...

PM Modi sounds poll bugle in Bihar, warns against ‘evil intentions’ of Opp

In Bengal, Modi says BJP only protector of Bengali ‘ashmita’; slams TMC’s infiltration politics PATNA/KOLKATA, July 18: Prime Minister...