SHILLONG: Meghalayao ge·samangmang donggipa Mendipathar railway station-ko Amrit Station dake namdapatgen.
Iako Ma·mongni Railways aro Information aro Broadcasting Minister, Ashwini Vaishnaw Butbaro parakataha.
Indakeba nikatna man·enga je, Mendipathar Railway Station-ko oprake on·ani bilsi skuni ja·manba, uan uan rel gari bolsakosan Mendipathar-oni Guwahati-ona salanti watengkua.
Meghalaya-ni Mendipathar railway station-ko man·chape gimikchi ge 59, mongsongbate Assam-ni station-rangko Amrit Station dake dakattokgnok.
Ma·mong Minister indakeba parakatkua je Assam aro North East Region-na Annual Average Budget Outlay-ko baridapataha, jeon 2019-2024 bilsiona chamgipa Tg. kror 2,122 oniko 2024-2025 bilsinade Tg. kror 10,376-ona tang·doataha.
