TURA: Dadenggre Civil Sub-Division-o SDSEO in-charge ong·e kamko ka·enggipa official-ni dakbewalrang namja ine Rajabala-o donggipa GSU, FKJGP, GSMC, ASPF aro ACHIK dolrangni matnanganiko All Garo Hills Primary School Teachers Association (AGHPSTA) Dadenggre aro Raksamgre zone-ni ning·o skigiparang aro Dadenggre Civil Sub-Division-ni ning·o Deficit UP skulrango skienggipa manderangba jegalataha aro ia NGO-rangni matnanganiranga maming pangchakani gri matnanganisan ong·aia ine parakatskaaha.
Dadenggre Civil Sub-Division-o SDSEO in-charge ong·e kam ka·enggipa official-ni dakbewalrang namja ine kosako janapgimin NGO-rang matnangatenba, ia officer-ko dingtang biapona apjitatskachina a·dokni Education Minister Rakkam A Sangma-na sedoatahachim ine nikna man·a.
Ia officer, manderangna ka·saninggija dake mesokronga, manderang baksa bakrimrongja aro manderangni badi ka·anirangko knachakrongja ineba NGO-rang matnangatahachim.
Ia officer-ko mikkang nitee kam ka·ronga ine matnangatengon, adita salrangna skang skul damsani skigipako ra·anioba ua an·tangni mandekosa kamo ra·na jotton ka·aha ineba Rajabala NGO-rang parakatahachim.
Indake ong·engon, Rajabala NGO-rangni matnanganirangko skigiparangni pal, Rochonpara Deficit UP School-ni headmistress Margareth R Sangma jegalatenba, iani bidingo talataniko on·ataha.
Marak-ni talataniko on·atani gitade, re·anggipa July-ni 24 tariko, Dadenggre-ni SDSEO, Selsella BMC-ni official-rang baksa badiaba skulni headmaster-ni kosako me·chik self help group (SHG) badi ka·ahani gimin inquiry dakna re·angahachim. Indake ong·genchimoba, inquiry dakna re·angon, NGO-rangsa SDSEO-ko tom·tome inquiry dakna on·gija, uni kosako kragija dake mesokaha.
NGO-rangni iandakgipa kamrangko jegalatengon, ia a·selni bidingo chu·gimik inquiry-ko dakchina skigiparangni pal, Rochonpara Deficit UP School-ni headmistress dabiangaha.
 |
ReplyForward
|
