TURA: Ganingbibra songo Jal Jeevan Mission (JJM)-ni kamrangko name chu·sokatjahani a·sel songni manderang chu·onga gita chirangko man·jaenga ine Garo Hills Youth Solidarity (GHYS) dol matnangataha.
GHYS-ni president Endick Marak-ni parakatani gitade, Ganingbibra songo JJM-ni kamko ka·gipa contractor, kamrangko name ka·jaha aro department-ni officer-rangba name nirokjahani a·sel da·o songni manderang chirangko chu·onga gita man·tokjaengachim.
Ia songo JJM-ni kamrangko name ka·jaha ine matnangatengon, ia songna JJM-ni ning·o rikgipa tengki chondugaa, pipe-rangkoba bol kosak gitasa sala, chi pipe-rangna maming platform-rang dongja, completion report-ko third party-ni gita name nipila dongja aro ia songo JJM-ni kamko matchotaha ine a·kangengoba songni manderang chu·onga gita chirangko man·tokkujaenga ine GHYS-ni president parakataha.
Indake ong·engon, Ganingbibra songni manderang ia JJM-ni chirangko chu·onga gita man·na gita kamrangko sandirokchina GHYS-ni president, department-ni officer-rangko aro Third Party-ko didiataha.
