SHILLONG: Gimik ge 10 Autonomous District Councils (ADCs)-ni Chief Executive Members (CEMs)-ni joint forum, Sonibar salo Constitution-ni Sixth Schedule-ko taridapna Bill-ko pass ka·-china dabina tik ka·angaha. Uandake dabianiko kna-chakja ong·ode India sorkarina namjawa ine aganaha. Bodoland Territorial Region (BTR) Assam-ni chief executive member Pramod Boro-ni dilanggipa delegation mijaomangmang Union Home Minister Amit Shah-ko gronge memorandum-ko on·aha aro Constitution (125th Amendment) Bill, 2019-ko Parliament-o pass ka·china mol·molangaha.
“Gimik ge 10 district council-rang dolsan ong·e Union Home Minister-ko grongaha aro iani bidingo India sorkarini ku·chaka-niko nangnike chanchibe-walniko dakangaha. Bang·a chang·on North East-ni indigenous tribal-rang apsan ong·e ku·monggrika dongjani a·sel, chingni dabianiko knachakrongja, ine Tipra Motha supremo Pradyot Kishore Manikya Debbarma aganaha.
Amendment-ni gimin aganprakataon indine aganaha, “maini gimin iako dakna amjawa Opposition-o donggipa Congress-an 125th amendment-ko namnike chakpaenga.”
Union Home Minister, ia mamlako nirokna gita jasani gisepon committee-ko songna ka·dongataha. Ua an·tangni kattako rakkia ong·ode namgen. Ge 10 district council-rangna ua ka·donganiko on·aha. Khasi Hills Autonomous District Council (KHADC) Chief Executive Member Pyniaid Sing Syiem-ni ning·o committee-ko songaha aro gimik district council memborrang iana apsan ong·e chakpagen.
