TURA: Bilsiantian August-ni 9 tariko International Indigenous People Day-ko manirongengon, ia salko Karbi Anglong Indigenous Youth Association (KAIYA)-ni gitaba apsan salon, Karbi Anglong a·jani Diphu-o maniangaha.
Ia manianio Garo Community North East Indigenous People’s Association-ni general secretary Bostone M Sangma-ba okamatko man·e jinmana aganprakengon, Tribal jatantian an·tangtangni a·songko aro daka rikanirangko chel·chakna bilrang donga ine aganangaha. A·chikrangni Wangala chrokani giminba ia tom·anio ua jinmana agan-talate on·angaha.
Ia manianio Tripura-ni MDC Debojit Tripura-ba jinmana aganprakengon, salgro salaram jolo songdongenggipa Tribal-rangna on·gimin bilrangni bidingo aganangaha.
