College-ko PA Sangma sagini bimingchi minggen ine Conrad paraka
TURA: Ru·utbea somoirangonin Rongjeng jolo songdongenggipa manderangni ka·oksibee nichakenggipa Rongjeng Model Degree College-ko Sombar salo, a·dokni Chief Minister Conrad K Sangma, nokdonggae on·angaha aro ia college-ko nokdonggae on·anganio, a·dokni Education Minister Rakkam A Sangma, Rongjeng-ni MLA Jim Sangma, Education department-ni official-rang, dingtang dingtang dilgiparang aro Rongjeng jolrango songdongenggipa manderangba dongpae bak ra·angtokaha.
Ia Rongjeng Model Degree College-ko nokdonggae on·angani somoio a·dokni Chief Minister, tom·anio bak ra·giparangna aganprakangengon, Rongjeng ia college-ko rikaniara Purno A Sangma sagini Rongjeng-ni manderangna ku·rachakaniko chu·sokatanian ong·a aro ia college-ko Purno Agitok Sangma-ni bimingchian minggen ine parakataha.
Chief Minister-ni parakatani gitade, ia Rongjeng Model Degree College-ko India sorkarini ning·o donggipa Education Ministry-ni RUSA 2.0 scheme-ni ning·o rikaha aro ia college-ko rikanio gong crore 12 tangkarang koros ong·aha. Ia degree college-ni academic session-ko ia bilsionin Arts stream-chi a·bachengengaha.
Ia college-ni ramarang, college-na chi aro gipin nanganirangkoba on·na gita sorkari ra·chakmanaha aro kamrangko bakan matchotgen ineba Chief Minister aganaha.
Ia college-ko nokdonggae on·anio, a·dokni Education Minister Rakkam A Sangma-ba jinmana aganprakengon, Rongjeng-o songdongenggipa manderangna niksamsoanirang donga ine PA Sangma sagiko mittelpilangaha aro uni bebera·ani gitan bida budimangmangchisan songsalko mangrakbatatna man·gen ine aganaha.
Ia tom·anio, Rongjeng-ni MLA Jim Sangma aro gipinrangba jinmana aganprakangaha.
Ia Rongjeng Model Degree College-ko nokdonggae on·angani somoio a·dokni Chief Minister, tom·anio bak ra·giparangna aganprakangengon, Rongjeng ia college-ko rikaniara Purno A Sangma sagini Rongjeng-ni manderangna ku·rachakaniko chu·sokatanian ong·a aro ia college-ko Purno Agitok Sangma-ni bimingchian minggen ine parakataha.
Chief Minister-ni parakatani gitade, ia Rongjeng Model Degree College-ko India sorkarini ning·o donggipa Education Ministry-ni RUSA 2.0 scheme-ni ning·o rikaha aro ia college-ko rikanio gong crore 12 tangkarang koros ong·aha. Ia degree college-ni academic session-ko ia bilsionin Arts stream-chi a·bachengengaha.
Ia college-ni ramarang, college-na chi aro gipin nanganirangkoba on·na gita sorkari ra·chakmanaha aro kamrangko bakan matchotgen ineba Chief Minister aganaha.
Ia college-ko nokdonggae on·anio, a·dokni Education Minister Rakkam A Sangma-ba jinmana aganprakengon, Rongjeng-o songdongenggipa manderangna niksamsoanirang donga ine PA Sangma sagiko mittelpilangaha aro uni bebera·ani gitan bida budimangmangchisan songsalko mangrakbatatna man·gen ine aganaha.
Ia tom·anio, Rongjeng-ni MLA Jim Sangma aro gipinrangba jinmana aganprakangaha.
