Baghmara: Bilsi adha-grikgipa ong·gipa pagipa demechik sakgniko baitaba changrangna drae til·ekaniko songni manderangchi namgijagipa kamko dontongataha jemangan uni kosako police starion-ona re·ange mamlako segataha.
Dosi dakgipa mandeko August 24 tarikni pringo rim·aha, koborrangko man·soani gitade, uko custody-ona watataha.
Koborrangko parakatani gitade, dosi dakgipa pagipa bilsi 17 ong·gipa baksa bilsi 14 ong·gipa demechikrangko drae til·ekaha. Ia kamrangko ma·gipa ma·sigenchimoba maming matnanganiko dakjaha, ma·gipani gita drae til·ekaniko dakangna on·angkugipa gita ga·akaha. Ian jensalo songni manderang a·selni bidingo name dake ma·siani ja·man songni president aro secretary police-ona re·angaha aro iani bidingo report ka·aha.
Mamla seagtani ja·man joljolan ta·rake pagipa custody-o rim·aha aro kachariona watataha. POCSO-ni ning·o mamlako segataha.
