Indian Constitution-ni Sixth Schedule ning·o Tribal autonomous council-rangna tangka paisani gita aro bilni gita bilakdapataniko on·na miksongenggipa Constitution (125th Amendment) Bill 2019 chu·sokchipkujaengani gimin ia kamko niatna gita ma·mong sorkari, Union Minister of State Nityanand Rai-ni dilanichi dingtangmancha committee-ko songe on·ahachim ine nikna man·a.
Iani bidingo talataniko on·angengon, “Ia Constitution (125th Amendment) Bill 2019-ni kamrangko baditana kingking chu·sokatna man·engahachim, uni bidingo ma·sie ra·na gita chinga Union Minister of State-ko gronge agangrikegen,” ine KHADC-ni CEM aro dam 10 ADC-rangko dilenggipa chief executive membor-rangni convenor Syiem parakataha.
Syiem-ni parakatani gitade, salgro salaramni dam 10 ADC-rang, an·tangtangni chanchiani aro ku·pattianirangkoba ma·mong sorkarini songe on·gipa committee-na on·manahachim.
Adita salrangna skangsan, ia dam 10 ADC-rangni dilgiparang baksa New Delhi-o tom·anio, August 25 tarikni gisepon ia dam 10 ADC-rangni nangnikanirangko, ma·mong sorkarini songe on·gipa committee matchotna man·gnok ine Union Home Minister Amit Shah, ku·rachakaniko on·atahachim.
Ia dam 10 ADC-rang, dingtangmancha KHADC-ni CEM Syiem-ko convenor dake aro Indigenous Progressive Regional Alliance ba jekon TIPRA Motha ineba mingachim, iani chairman Pradyot Manikya Deb baksana Karbi Anglong Autonomous Council (KAAC)-ni Elwin Teron-ko adviser-na songenba, dingtangmancha committee-koba bikotahachim.
 |
ReplyForward
|
