SHILLONG: Gitcham Tura-ni MP Agatha Sangma jean mejamangmang Tura MP election ong·ao sirikaha, una State Commission for Protection of Child Rights (SCPCR)-ni chairperson-na ra·baenga.
Ia chanchianiko Cabinet tom·ani somoio ra·aha indiba sorkari iani bidingo da·o dipet maming aganchakataniko dakuja.
Ia chanchiani bidingo maina sorkari adita jripjrip dongenga sorkarisa u·iaiaha aro ia chanchianina sorkarioni darangba aganchakaniko dakatgipa dongkuja.
Agatha Sangma-ni adatang aro NPP-ni dilgipa James Sangma, NPP-ni dilgiparangchi ra·chakani ja·man Agatha Sangma-na nama skaniko Sonibar salo on·atgipasan ong·kuaienga.
Jesakgipa Cabinet tom·rangni bidingo Chief Minister’s Office( CMO) kobor ra·timgiparangna u·iatronga indiba ia chango dakbewalko pe·aha, cabinet tom·ani bidingo kobor ra·timgiaprangna CMO office mamingkoba u·iatjaha je chanchianikon September 6 tariko dakahachim.
