TURA: Garo Hills Autonomous District Council (GHADC)-o kam ka·enggipa manderangna National People’s Party (NPP)-chi dilenggipa Executive Committee (EC) ku·chakatangkon chu·sokna man·jaenga ong·ode GHADC-ko Bharatiya Janata Party (BJP)-chi chalaiskana on·bo ine Tura-ni MDC aro BJP-ni state vice president Bernard N Marak dabiangaha.
Marak-ni parakatani gitade, GHADC-o kam ka·enggiparangna 5th Pay Commission-ni ning·o dormaharangko on·china gita NPP-chi dilenggipa EC, 2018 bilsion ge·etaniko on·manahachim aro untalan budget-koba 5th Pay Commission-o pass ka·ahachim indiba kam ka·enggiparangna NPP-chi dilenggipa EC, 4th Pay Commission-ni dormaharangkosa on·e kam ka·giparangko cha·bokaha.
“GHADC-o tangka paisani gita neng·nikanirangko BJP-mangmangsan namatna man·aignok. GHADC-ko choligijagipa institution gitasa NPP, ma·mong sorkarina mesokna jotton ka·aha aro ango NPP minister-rangni seatgipa chittirang sakkina dongkuenga. GHADC-ko chalaina gita NPP, BJP-na pakwate on·skana nanga aro chinga jadokni gisepon GHADC-o kim·kim ong·aniko, mangrakbatataniko aro tangatpiltaianiko ra·bana man·aigen,” ine Tura-ni BJP MDC Bernard Marak parakataha.
 |
ReplyForward
|