Wednesday, April 30, 2025

‘Gau Dhwaj Sthapana Bharat Yatra’-ko ong·atna on·jachina VPP dabia

Date:

Share post:

SHILLONG: Matchu den·aniko champengna gita miksonganio dolsa Hindu manderangni ‘Gau Dhwaj Sthapana Bharat Yatra’-ko re·baenggipa October 2 tariko ong·atna miksongengani gimin ian Meghalaya a·doko dingtang dingtang jatrangni gisepo tom·tome songdong a·chaaniko golmal ong·atani gita ong·gen ine ia yatra ba re·jomaniko ong·atna on·jachina gita Voice of the People’s Party (VPP)-ba a·dok sorkariko didiataha.

“Indian Constitution ba a·songni niam bidikon dingtang dingtang toromrangna jakgitelaniko on·manahani gimin iandakgipa re·jomanirangko ong·ataniara a·doko dingtang dingtang jat aro toromrangni gisepo ding·chaogrikataniko ra·baani ong·gen,” ine a·dokni Chief Minister Conrad K Sangma-na sedoatgipa chittio Shillong-ni MP aro VPP-ni dilgipa Ricky J Syngkon parakataha.

Syngkon-ni parakatani gitade, toromtangni daka rikaniko ja·rikaniara a·songni dongimin bilan ong·a ine VPP bebera·a indiba iandake gipin torom ba jatrangni daka rikaniko, cha·ani ringaniko aro janggi tanganiko champengna jotton ka·aniara songsalo tom·tomaniko golmal ka·na jotton ka·ani gitasa ong·gen.

“Dingtang dingtang jat aro toromrangni tom·tomao meli nangrime janggi tangani giminsa Meghalaya a·doko mingsinga aro iandake dingtang dingtang jatrangni gisepo ding·chaogrikataniko ra·bana jotton ka·anikode name nichengna nanga. Ia Yatra ba re·jomaniko ong·atanichi Meghalaya a·doko dingtang dingtang jatrangni tom·tome songdong a·chaaniko golmal ka·ani gitasa ong·gen,” ine Shillong MP parakataha.

A·doko dingtang dingtang jat aro toromrangni tom·tome janggi tanganiko mande ra·na nanga ine janapatengon, “Iandake tom·tome janggi tanganiko golmal ka·na miksonge ong·atenggipa program-rangkode a·doko ong·atna on·na nangja. Ian dingtang dingtang jat aro toromni gisepo meligrikgijaniko ra·baanisa ong·gen,” ine Syngkon, Chief Minister-na sedoatgipa chittio parakataha.

Related articles

Govt restructures National Security Advisory Board, ex-RAW chief appointed as head

New Delhi, April 30: In a significant development, the Centre on Wednesday restructured the National Security Advisory Board...

Indian Oil clocks 50 pc jump in Q4 net profit at Rs 7,265 crore

New Delhi, April 30: State-run Indian Oil Corporation on Wednesday reported a net profit of Rs 7,264.85 crore...

Abhinav Bindra mourns passing of Sunny Thomas, says he was a ‘father figure to generations of Indian shooters’

New Delhi, April 30: Legendary shooting coach Sunny Thomas passed away on Wednesday at Uzhavoor in the Kottayam...

Caste Census to be done along with National Census: Modi govt’s big decision

New Delhi, April 30: The Centre announced on Wednesday that the caste census will be conducted along with...