SHILLONG: Meghalaya-o National Education Policy (NEP) 2020-ko ra·gatanio infrastructure-ni bidingo dal·batgipa neng·nikani dongenga ine Education Minister Rakkam A Sangma aganaha.
Sangma ua neng·nikani gimin aganao, bilsi gittam ba bilsi brini degree cource-rangko poraianirango subject ge·brioni subject ge·chetona gitalgipa subject-rangko ra·dapna nangani donga, ua subject-rangko ra·na Meghalaya-o bang·a college-rangon classroom-rangko aro qualified ong·gipa skigiparangko nangdapenga uarangko chu·sokatna jotton ka·enga ine ua agan-talataha.
Re·baenggipa bilsirango poraigipa chatro-chatrirang uamangni dokgipa semester-ona jensalo soka NEP 2020-ni gita poraiani bakrango bang·a dingtang dingtang nangdapanirangna infrastructure-ko nangdapgnok, NEP-ko ja·rikna chol dongkujaenga indiba uko ra·chakna nangaia, education minister aganaha.
Ua neng·nikanirangko namate chu·sokatna cholko dakanio college-rangko dakchakna a·dok sorkari man·a dipet jotton ka·enga ine education minister aganaha.
Baghmara, Williamnagar aro St Edmand’s College ia ge·gittam college-rangna uamangni infrastructure-ko nambatatna ge·prakna gong kror 5-ko tangka-paisani gita dakchakaniko on·aha, ua aganaha.
NEP 2020-ko namedake ra·gatna man·a gita je chol ong·a sorkari dakchakanirangko on·angkugen, Sangma aganaha.
NEHU-affiliated college-rang gimiko ua policy-ko ra·gataniko Meghalaya College Teachers’ Association (MCTA) gita gipin gipin dolrangchi jegalaniko man·genchimoba batanggimin bilsio NEP 2020-ko ra·gatani gimin Meghalaya kamko ka·enga.
NEP 2020-ko ja·rikna infrastructure-ni bidingo dal·a neng·nikani ong·enga: Edn min
Date:
Share post:
