Friday, November 15, 2024
spot_img

B’desh a·songni mande sakbriko WGH Police-rang rim·a

Date:

Share post:

spot_img
spot_img

TURA: Adita salrangna skang, South West Garo Hills a·jao Bangladesh a·songni mande sak 8-ko rim·ani ja·man Sombar saloba ia apsan a·songni mande sakbriko, Tura-oni Paikan-ona songreangengmitingko West Garo Hills a·jani police-rang, Tura-oni km 30-mang chel·ao donggipa Jengal-o rim·na man·aha.

Bangladesh a·songo so·sojengjeng ong·anirang namsrangkujaengani a·sel dokkol ka·ako man·enggipa manderang a·song damgnini sima gita India a·songona napsrukbana jotton ka·skaengachim ine nikna man·a.

India aro Bangladesh a·songni simarangko fencing kae, iandake niam gri napsrukbaaniko champengsona jotton ka·engoba Bangladesh a·songni manderang, niam gri chibimarang gita, a·brirang gita aro dikbegipa buringrang gita napdrabana man·skakuengachim.

Bangladesh a·songo so·sojengjeng ong·engani gimin iandake India a·songona napsrukbana jotton ka·anirang ong·gen ine ma·sisoenba BSF aro Meghalaya Police-rang, dingtang dingtang biaprango mikrakbee nirok sandianirangko dakenga aro batanggimin salsnini gisepon Garo Hills-oba bang·en Bangladesh a·songoni niam gri napsrukbagipa manderangko rim·na man·engaha.

Re·anggipa antiosan, Bangladesh a·songoni re·napbagipa sakchet manderangni lekkarangko name am·sandiion tol·e tarigipa lekkarangsa ong·a ine ma·siani ja·man ia sakchet manderangko police-rang rim·ahachim. Ia manderangko ja·mano kachario mikkangpaatenba saldokna police-rangni ning·o donataha.

Sombar saloba police-rang, re·ruraenggipa garirangko Jengjal police station mikkango nirok sandiengmiting somoio Bangladesh a·songoni niam gri re·napbagipa mande sakbriko rim·na man·taiaha.

Police department-ni FIR-o janapani gitade, ia mande sakbriko police-rang chanchichipesa rim·ahachim indiba uamangko sing·sandion uamang maming lekkarangko mesokna man·jaha.

“Rim·a man·gipa mande sakbriko name sing·sandiangkuon, uamang Bangladesh a·songoni ine ku·rachakaha aro ia manderang kamrangko ka·e cha·na gita Kolkata, Chennai, Guwahati aro uandakgipa biaprangona re·angna miksonge Assam-ona re·angengachim. Ia manderangoniko am·sandion, India aro Bangladesh a·songni tangkarangkoba man·aha,” ine Police-rang parakataha.

Rim·a man·gipa manderangara, bilsi 18 ong·gipa Md Bilal Ali, bilsi 21 ong·gipa Md Imani Ali, bilsi 28 ong·gipa Md Ibrahim Ali aro Md Nasirul Islam ong·a. Ia manderangko police-rang, Foreigner’s Act-ni Section 14 ning·o rim·aha.

spot_img
spot_img

Related articles

Rameshwaram cafe blast: NIA investigation reveals link to Pakistan, ISIS

Bengaluru, Nov 15: The probe by the National Investigation Agency (NIA) into Bengaluru's Rameshwaram Cafe blast incident has...

Centre forms panel to probe NEHU imbroglio

By Our Reporter SHILLONG, Nov 14: Responding to serious concerns raised by the student fraternity, and in light of...

NEHUSU prez hospitalised but hunger strike to go on

By Our Reporter SHILLONG, Nov 14: NEHUSU president Sandy Sohtun was admitted to the Critical Care Unit (CCU) at...

BJP’s bid to ‘capture’ NEHU started the turmoil: Congress

By Our Reporter SHILLONG, Nov 14: The Congress has criticised the RSS and BJP over the ongoing issues at...