TURA: Batanggimin salrangonin Garo Hills-o mikkarang dontonggija jime waanganichi dingtang dingtang biaprango a·arang rurongdape aro chirang banne mande sianirangko nikna man·engon, batanggimin somoirango Garo Hills-ni dingtang dingtang biaprango a·sel ong·anirangchi sakbonga manderang siangdapaha aro uandaken da·o Garo Hills gimiko mande siani gimik sak 15 gapengaha.
Skanggipa a·sel ong·anio, skigipa saksa aro uni depanteko, South Garo Hills-oni Tura-ona re·baengmiting somio bilakbegipa chirang, sambao donggipa Bugai chibimaona man·angaha aro ia a·sel ong·ani Sukrobar attamon ong·ahaoba uamangni manggisirangko Robibar pringosa man·pilaha.
Koborko on·ani gitade, Dimapara jolo donggipa Sonagre songo gari bolsako songni manderang nikchengaha aro ia garini manderang joke katna man·aha ine songni manderang chanchichipahaoba ja·mano ia garini manderang, Sukrobar attam 5:30 bajimangonin gimaengachim ine ja·mano ma·sina man·aha.
Ia paningsa sakgniara Tura Rongkhon Songgital gittimoni bilsi 44 ong·gipa Bijoy S Sangma aro bilsi 13 ong·gipa Weanchigado R Marak ong·achim aro ua somoio uamang, Sempara jolo donggipa Nagrajora songoni WB-06 7718 Wagon-R gario, Tura-ona re·baengachim. Bugai RCC dolongko batsotani ja·man Sonagre songona sokon, bilakbee jokenggipa chi, uamangni gariko Bugai chibimaona man·angaha aro untalan uamang paningsa sakgni gimaaha. Uamangni gariko Sonibar pringo songni manderang nikchengaha aro ja·mano SDRF-ni sipairang, uamangni manggisirangkoba sandie, Robibar salo adita chel·kala biaponikosa man·aha.
Minggipin a·sel ong·anio, West Garo Hills a·jao donggipa Dalu-oni East Garo Hills a·jani Rongjeng-ona re·angenggipa gari bolsako Sonibar walo, dal·begipa bol pangsa Rongjeng reserve-o be·dapaha aro ia a·sel ong·anio gariko salenggipa mande, a·sel ong·gipa biapon so·otako man·aha. Ia a·sel ong·anio, gipin sakbri manderangba saknaanirangko man·aha aro da·o uamangko Williamnagar Civil Hospital-o done sannaniko on·enga ine kobor on·aha.
East Garo Hills a·jani Rongjeng jolo donggipa Gongdop songoba Sonibar walo, nok te·sako a·a be·dapaha aro ia a·sel ong·anio me·chik sakgni so·otako man·aha ine kobor on·aha. A·sel ong·anio sianggipa me·chik sakgniara ma·ningsa ong·achim ineba kobor on·aha.
Skanggipa a·sel ong·anio, skigipa saksa aro uni depanteko, South Garo Hills-oni Tura-ona re·baengmiting somio bilakbegipa chirang, sambao donggipa Bugai chibimaona man·angaha aro ia a·sel ong·ani Sukrobar attamon ong·ahaoba uamangni manggisirangko Robibar pringosa man·pilaha.
Koborko on·ani gitade, Dimapara jolo donggipa Sonagre songo gari bolsako songni manderang nikchengaha aro ia garini manderang joke katna man·aha ine songni manderang chanchichipahaoba ja·mano ia garini manderang, Sukrobar attam 5:30 bajimangonin gimaengachim ine ja·mano ma·sina man·aha.
Ia paningsa sakgniara Tura Rongkhon Songgital gittimoni bilsi 44 ong·gipa Bijoy S Sangma aro bilsi 13 ong·gipa Weanchigado R Marak ong·achim aro ua somoio uamang, Sempara jolo donggipa Nagrajora songoni WB-06 7718 Wagon-R gario, Tura-ona re·baengachim. Bugai RCC dolongko batsotani ja·man Sonagre songona sokon, bilakbee jokenggipa chi, uamangni gariko Bugai chibimaona man·angaha aro untalan uamang paningsa sakgni gimaaha. Uamangni gariko Sonibar pringo songni manderang nikchengaha aro ja·mano SDRF-ni sipairang, uamangni manggisirangkoba sandie, Robibar salo adita chel·kala biaponikosa man·aha.
Minggipin a·sel ong·anio, West Garo Hills a·jao donggipa Dalu-oni East Garo Hills a·jani Rongjeng-ona re·angenggipa gari bolsako Sonibar walo, dal·begipa bol pangsa Rongjeng reserve-o be·dapaha aro ia a·sel ong·anio gariko salenggipa mande, a·sel ong·gipa biapon so·otako man·aha. Ia a·sel ong·anio, gipin sakbri manderangba saknaanirangko man·aha aro da·o uamangko Williamnagar Civil Hospital-o done sannaniko on·enga ine kobor on·aha.
East Garo Hills a·jani Rongjeng jolo donggipa Gongdop songoba Sonibar walo, nok te·sako a·a be·dapaha aro ia a·sel ong·anio me·chik sakgni so·otako man·aha ine kobor on·aha. A·sel ong·anio sianggipa me·chik sakgniara ma·ningsa ong·achim ineba kobor on·aha.
