TURA: Batanggimin salrango dontonggija mikkarang waanganichi a·arang be·e aro chirang bananichi bang·a nokdangrangan cha·ani ringani gri aro nok-jam gri ong·na nangtokahani gimin Dengnakpara-ni MDC Sadhiarani M Sangma, 10 Dengnakpara GDC Constituency-ni ning·o donggipa Mellim songni manderangna cha·ani ringani aro ma·manti nanga bosturangko suale on·angaha.
Ia songona re·anganio ua, duko ga·akenggipa manderangko grongenba ka·dimeatanirangkoba on·angaha.
Batanggimin salrango dontonggija mikkarang waanganichi Garo Hills-ni bang·bata biaprangon a·a be·anirangko aro chi bananirangko nikna man·aha aro iandake a·sel ong·anirango komibeoba sak 15 manderang siangna gita nangahachim. A·a be·dapanirangchi aro chi bananirangchi Garo Hills gimikon manderangni nok-jamrang, bagan barirang, mi a·palrang aro ma·manti gam-jinrangkoba nisie galahachim.
South West Garo Hills a·jaoba bang·a biaprangon a·arang be·anichi aro chirang bananichi manderangni nokrangko nosto ka·aha aro manderangni gama ge·anirangkoba nisie galaha.
Uandaken, Dengnakpara joloba Ringde aro Dilni chirang ditdobae, te 50-na baten nok-jamrangko nosto ka·aha aro manderangni gama ge·anirangkoba nosto ka·angahani a·sel manderang nok-jamgri ong·na nangaha aro an·tangtangni bilsi gimik neng·bee gama ge·anirangkoba gimaatna nangtokaha.
Ia jolrango rama jal·langrangkoba chirang pe·angaha aro uandaken bang·a songrangonan re·a doani cholrang dongjae, songni nokni manderang cha·ani ringani gri ong·na gita nangtokengachim.
Iandake neng·nikanirangko chagrongna nangtokengani gimin Dengnakpara-ni MDC Sadhiarani M Sangma, Mellim jolona re·angenba ma·manti cha·ani ringani aro gipin bosturangkoba suale on·angaha.
Ia songona re·anganio ua, duko ga·akenggipa manderangko grongenba ka·dimeatanirangkoba on·angaha.
Batanggimin salrango dontonggija mikkarang waanganichi Garo Hills-ni bang·bata biaprangon a·a be·anirangko aro chi bananirangko nikna man·aha aro iandake a·sel ong·anirango komibeoba sak 15 manderang siangna gita nangahachim. A·a be·dapanirangchi aro chi bananirangchi Garo Hills gimikon manderangni nok-jamrang, bagan barirang, mi a·palrang aro ma·manti gam-jinrangkoba nisie galahachim.
South West Garo Hills a·jaoba bang·a biaprangon a·arang be·anichi aro chirang bananichi manderangni nokrangko nosto ka·aha aro manderangni gama ge·anirangkoba nisie galaha.
Uandaken, Dengnakpara joloba Ringde aro Dilni chirang ditdobae, te 50-na baten nok-jamrangko nosto ka·aha aro manderangni gama ge·anirangkoba nosto ka·angahani a·sel manderang nok-jamgri ong·na nangaha aro an·tangtangni bilsi gimik neng·bee gama ge·anirangkoba gimaatna nangtokaha.
Ia jolrango rama jal·langrangkoba chirang pe·angaha aro uandaken bang·a songrangonan re·a doani cholrang dongjae, songni nokni manderang cha·ani ringani gri ong·na gita nangtokengachim.
Iandake neng·nikanirangko chagrongna nangtokengani gimin Dengnakpara-ni MDC Sadhiarani M Sangma, Mellim jolona re·angenba ma·manti cha·ani ringani aro gipin bosturangkoba suale on·angaha.
