SHILLONG: Re·baenggipa Gambegre By election aro uandake MDC election-rangna tarisoengon, uamangni tarisoanina mikchepe ronabe ine NPP, gipin political party-rangko mikrakataha.
NPP, re·baenggipa election-rangna chu·onga gitan tarisoengaha ine a·kange aganengon, uni party jedakgipa election-oba seat-tangko man·na gita dakgrikgen aro uamangni jakoni darang party-koba sekangna on·jawa ine Lyngdoh aganaha.
A·doko uamangni political party-ni kim·kimani bidingo agan-talatengon, uamangni party, jat-ma·mal, torom, bebera·ani, kam ka·ani ugitarango mamingdakeba bak ong·ja.
“Chinga nambatakon tarisoenga. Chinga 100 percent tarisoaha aro chingni tarisoaniko onchepe ra·nabe,” Lyngdoh agandapaha.
