Friday, February 7, 2025
spot_img

Political dolrangni joltango napchipe donganiara songsalna nama ong·ja: Ampareen

Date:

Share post:

spot_img
spot_img

SHILLONG: Khasi aro Jaintia Hills a·jarango bilakbee kamko ka·enggipa Voice of the People’s Party (VPP)-ba da·o Garo Hills-o bipekko kulina cholrangko niengahaon, political dolrangni joltango napchipe kam ka·aniara songsalna aro a·dokna nama ong·ja ine Sombar salo, a·dokni Cabinet Minister aro National People’s Party (NPP)-ni dilgipa Ampareen Lyngdoh parakataha.

Iani bidingo kobor ra·timgiparangna talataniko on·angengon, political dolrang ong·e a·doko joltangtangna mikkang nitee kam ka·aniara kraani ong·ja aro pilak political dolrangan, darangkoba nichanggalgija kamko ka·na nanga ine Lyngdoh aganaha.

“Political dolrangni dingtanggrikanio pangchake a·doko songdongenggipa manderangko ma·ekatna jotton ka·anichide Meghalaya a·dok namroro silrorona man·jawa,” ine Lyngdoh aganenba, Garo Hills-o VPP-ni bipek bikotaniko darangba champengna man·ja aro uamangni kamo saoba champengna jotton ka·genchimode uan niamni a·palo ong·gen ine parakataha.

Lok Sabha election-o mitam political dolrang, joltangtangni namgninasan chanchie kamko ka·aha ineba ua an·tangni suk ong·gijaniko parakataha.

“MP election-ko ong·atanio mitam dolrang, joltangtango napchipe kamko ka·aha aro angni nikani gitade ian Meghalaya a·dokna namgijani ong·a. Political dol ong·e darangba joltangtango napchipe joltangtangni namgninasan kamko ka·na nangja,” ine ua aganaha.

NPP-ko Meghalaya a·dokni mongsonggipa party ine janapatengon, ia political dolko a·dokni manderang pangnan nipilronga ine Lyngdoh parakataha.

“An·ching nama kamko ka·aha ong·ode changgipin election-oba manderangni seokako man·aigen indiba namgija kamko ka·aha ong·ode changgipin election-o manderangni bichalko man·aigen. Iandakesa democracy-de kam ka·a aro chingade napchipe dongaigija manderangna nipiltaina on·angkuaigen,” ine NPP Minister aganaha.

NPP-de maming saloba bak dakani politics-o bak ra·jawa ine ku·rachakaniko on·angengon, darang political dolrangan Meghalaya a·dokni gitasa kamko ka·na nanga indiba badiaba jat ba toromni gita ong·na nangja ine Lyngdoh aganaha.

“An·ching pilakan Meghalaya a·dokni manderang ong·a aro an·ching pilakan apsan miksongani baksa Meghalaya a·dokni namroro silroroaninasa kamko ka·na nanga,” ineba ua aganaha. 

spot_img
spot_img

Related articles

Arunachal Christian body to launch stir against 46-year-old anti-conversion law

Itanagar, Feb 6: The Arunachal Christian Forum (ACF), an apex Christian body in the border state, on Thursday...

1st ODI: Gill, Iyer, and Patel fifties help India outplay England by four wickets

Nagpur, Feb 6:  Shubman Gill missed a well-deserved century but shared big partnerships with Shreyas Iyer (59) and...

Israel orders army to prepare ‘voluntary departure’ plan for Gazans following US relocation proposal

Jerusalem, Feb 6: Israeli Defence Minister Israel Katz has ordered the army to prepare a plan to allow...

Rajnath Singh and Hegseth explore ways to deepen defence ties ahead of PM Modi’s US visit

New Delhi/Washington, Feb 6:  Defence Minister Rajnath Singh on Thursday spoke with US Secretary of Defence Pete Hegseth...