SHILLONG: Indiani Vice President, Jagdeep Dhankhar Butbaro attamchibarao salgnina Shillong-ona sokbaenga.
Ua, pring 11.35 bajio Guwahati Airport-ona sokbagen, uni ja·mano ua Shillongona bilbagen aro Helipad ALG, 7 Miles Upper Shillong-o salni 12.25 bajio onchongegen.
Uni ja·mano ua, State Convention Centre, Mawdiangdiang, New Shillong-o attam 3 bajio mingsa programo bakko ra·gen, jeon Meghalaya Skill aro Innovation Hub-na pangchakaniko songe on·anggen.
Vice President, attam 4:25 bajio New Shillong Township-o donggipa IT park-ona re·anggen aro Chief Minister aro a·dokni a·gipi Official-rangko gronge agangrikgen.
Indake ong·engon, attam 7:30 bajio Durbar Hall Raj Bhavan, Shillong-o ong·atenggipa Cultural Evening aro State Reception-o Vice-President bakko ra·gen.
Salgipino ua Raj Bhavan, Shillong-o ‘Ek Ped Maa Ke Naam’-ni bak gita dake bol bi·sa pangsako ge·anggen, uni ja·mano Sohra-ona re·anggen.
Ua Sohra-ona re·angani somoio, Arwah Cave, Nohkalikai Falls aro 7 Sister Falls-ko nianggen.
