TURA: Central Agricultural University (Imphal)-ni ning·o Tura-o donggipa College of Community Science (CCS)-ni Community Science aro Food Nutrition & Dietetics-o B.Sc (Hons)-ko dakenggipa gital chatrirangna antignini Deeksharambh program-ko ong·atenga aro ia program-ko Mongolbar salo, Tura-ni DIG (Western Range) Dr Raghavendra Kumar MG aro CCS-ni Dean Dr Jyoti V Vastrad, a·bachengate on·angaha.
Ia program-ko a·bachengatanio, college-o skie on·enggiparang, kam ka·enggiparang aro chatrirangba bak ra·angtokaha aro ia program-ko NEP 2020 aro New Delhi ICAR-ni tarigipa Sixth Deans’ committee-ni recommendation-o pangchake ong·atenga.
Ia program-ona re·bagiparangko Dr Shipra Nagar rimchaksoaha aro ia tom·anio, CCS-ni Dean Dr Jyoti V Vastrad, jinmana aganprakengon, Deeksharambh-ni bidingo agan-talatanirangko on·angaha.
Ia tom·anio Dr Raghavendra Kumar MG, mongsonggipa sokgipa ong·e jinmana aganprakangskaengon, kamtango bimchipgiparang ong·china aro namgipa dakbewalrangko ong·katatna gita salantion kakketgiparang ong·china chatrirangko didiangaha.
First year-ni chatrirangna iandakgipa program-ko ong·atengani giminba ua College of Community Science-ko mittelpilangaha.
