SHILLONG: Re·baenggipa November 13 tariko ong·atnasienggipa Gambegre Bye election-o sakomancha party candidate ong·e susaatgenchim, uani bidingo BJP October 21 tariko New Delhio chanchirimenba party candidate-ko minggen.
Iani bidingo parakengon, Gambegre bypoll-o susana gita BJP tikitna dorgasto galgiparang aditan donga ine Cabinet Minister aro BJP dilgipa AL Hek Bristibaro aganaha.
Indakeba paraka je joltangni party dilgiparang constituency-o party-tangni candidate-na campaign ka·anggen.
Meghalayao BJP doltangko niksengatna man·kujaenga aro namen bilgrienga aro batanggimin Lok Sabha election-o gita dake BJP, party candidate-ko chakatatgija NPP-na chaktaigen ine janggipa kattarangko Hek jechakaha aro candidate-tangko susaatgen ine aganaha.
“Chinga manderangko grongenba Prime Minister Narendra Modi-ni dingtang dingtang scheme-rangni bidingo ma·siate on·gen, jerangkon kangal-cholgri manderangna a·bachengatahachim,” Hek aganaha.
Gambegre constituency-o, NPP, BJP, Congress aro TMC dolrang bilake susagriknasienga ine niksoenga.
Tura Lok Sabha election-o susae cheani ja·mano Saleng Sangmani watangani ja·man Gambegre Assembly seat bangbang ong·rikaha.
Nomination file ka·aniko October 25-ona ra·chakgen aro November 13 tariko puongimin vote-rangko November 23 tariko chanenba parakatanggen.
