SHILLONG: ACHIK, India-Bangladesh sima ari gita mongsongbate Meghalaya-ni sima ari jolrang gita niamgri badingsrukaniko champengna jolni organisation, Police department aro Border Security Force (BSF) dolrangko apsan melie kam ka·china mol·molataha.
Deputy Inspector General (DIG) of Police Western Range-na chittiko seatgipao ACHIK, sima ari gita matchu, drug aro gipin bosturangko badingsrukani gimin talataha, ian nationa security ba chelchak-naljokanina namen kenbegni ong·a. Jolni economy-naba jajrengani ong·a ine janapataha.
“Police aro BSF dolrang beben sima ari gita badingsrukaniko champengna raken kam ka·enga indake mikkangchi jolni organisation jekai ACHIK, Police, BSF dolrangni gisepo bakrime kam ka·ode bilakbate champengna man·gen ine ACHIK aganaha.
Iarangni gisepon chittio sima ari jolrango donggipa manderangna awareness programrangko ong·atani giminba janapataha. Sima ari gita badingsrukaniara baditan sima jolo donggiparangna kenchakani ong·a aro simao chelchakaniko maidake bilakdapatna man·gen iarangni giminba ja·ku de·china mol·molataha.
Sima ari gita badingsrukaniko champengna ACHIK, ku·cholsan ong·na didia
Date:
Share post:
