TURA: Meghalaya a·doko scheduled tribe (ST) chatro chatrirang, scholarship-na dorgastoko galanio Autonomous District Council (ADC)-ni pal a·dok sorkarini on·gipa income certificate aro affidavit-rangkosa ra·skana nangengani a·sel neng·nikanirangko chagrongna nangtokenga ine Tura-ni MDC aro BJP Meghalaya-ni state vice president Bernard N Marak parakatenba, ST chatro chatrirangna ia niamko dingtangatchina gita Union Tribal Minister Jual Oram-na sedoataha.
“Meghalaya a·doko scholarship-na dorgasto galenggipa bang·bata chatro chatrirangan kangal cholgri nokdangrangonisa ong·e a·dok sorkarini on·enggipa income certificate aro affidavit-rangko tarianio bang·en koros ong·na nangengani gimin neng·nikanirangko chagrongna nangtokenga. Chatro chatrirang, re·anggipa bilsionin an·tangtangni scholarship-rangko man·tokkujaenga aro uamangni nanganirangko official-rang knachakjaenga ine badi ka·aha. Uni gimin ST chatro chatrirangni neng·nikanirangko ma·sichake, iako niatchina anga nang·ko mol·molenga,” ine Marak, Union Tribal Minister-na sedoatgipa chittio parakataha.
Scholarship-na dorgasto galenggipa ST chatro chatrirangna MDC/ADC-rangni on·enggipa income certificate, affidavit aro gipin nangchongmota lekkarangko ra·chakgen ine aganchakaniko ta·raken on·atchina gitaba Tura MDC, Union Minister-ko didiataha.
A·dokde Scheduled Tribe-rangni kosako bil man·gipa ong·jani gimin chatro chatrirangna ADC-rangni man·gipa bilko ra·e katna nangja ine janapatengon, ST chatro chatrirangni namgnina ia kamko ta·raken niatchina Tura-ni MDC, Union Tribal Minister-ko didiataha.
Scholarship-na dorgasto galani bon·kamgipa tarikko dingtangmancha ST chatro chatrirangna ra·dodapatchina gitaba Tura-ni MDC aro BJP-ni state vice president, Union Tribal Minister-ko didiataha.
 |
ReplyForward
|
