TURA: West Garo Hills a·jao National Deworming Day-ko maniani bak gita a·jao donggipa pilak skulrango aro dingtang dingtang Anganwadi centre-rangoba bilsi 1-oni bilsi 19 ong·gipa bi·sarangna Albendazole tablet-rangko on·angaha.
Bi·sarangko an·seng baljoke rakkina miksonganio okningni jo·ongrang siatna gita ia National Deworming Day-ko manianio bilsiantian bi·sarangna Albendazole tablet-rangko on·rongenga. Ia salo bi·sarangna samko on·an baksana salantian cha·na skang aro a·palrangchi re·ani ja·man jakrangko name jaksujringchina gitaba bi·sarangna skie on·ronga.
