Friday, April 4, 2025

SSA skigiparangna upper-age limit-ko bilsi 45-ona ra·doata

Date:

Share post:

‘Cabinet on the Move’-ni bak gita Resubelpara-o Cabinet tom·a

RESUBELPARA: Samagra Shiksha Abhiyan (SSA) Government LP, UP ba secondary aro higher secondary skulrango skienggipa manderangna a·dok sorkari, upper-age limit ba kamna choliani bilsiko 45-ona bariataha. SSA skigiparangna upper age limit-ko 45-ona bariatahani gimin skigiparang da·ode, a·dok sorkarini dingtang dingtang kamna advertise ka·anio bak ra·pana chol man·gnok.
“SSA skulrango skienggipa manderangni upper-age limit ba kam ka·na man·ani bilsiko 45-ona bariatahani gimin da·ode SSA skigiparangba, Meghalaya sorkarini dingtang dingtang kamrangna advertise ka·anio bak ra·pana man·aignok,” ine Budbar salo, a·dokni Education Minister Rakkam A Sangma, North Garo Hills a·jani Resubelpara-o skanggipa changna Cabinet tom·ani ja·man, kobor ra·timgiparangna parakataha.
Ia Cabinet tom·anio, Meghalaya Private Medical Institution (regulation of admission, fixation of fees and reservation) Ordinance, 2024 aro Meghalaya Medical College Regulation and Admission into MBBS Course, 2024-koba ra·chakangjolaha.
Ia ordinance ba niamrangko Cabinet ra·chakahani gimin Governor soi ka·ani ja·mande, MBBS course-ni admission aro fee-rangko tarianio ia niamrangan a·dok sorkariko dakchakgnok aro ia niamni ning·o MBBS course-na biaprangkoba State Reservation Policy-o pangchake sualgnok.
Una agreba ia Cabinet tom·anio, a·dok sorkario kam ka·enggiparangna nokrangko on·ani, sorkari quarter-rangko on·ani, housing scheme-ko on·ani niamrangkoba ra·chakangaha.
Meghalaya sorkarini ‘Cabinet on the Move’ program-ni bak gita Budbar salo, Cabinet-ni tom·aniko Resubelpara-o ong·atangaha aro ia tom·anio sak 11 Cabinet minister-rangan bak ra·angaha.
‘Cabinet on the Move’-ni bak gita Meghalaya Cabinet, a·dokni dingtang dingtang district headquarter-rango tom·anirangko ong·atenga ine nikna man·a.

Related articles

Rupee strengthens against dollar amid Trump’s reciprocal tariffs

New Delhi, April 4: The Indian rupee witnessed sharp gains on Friday at below 85 against dollar, as...

Kareena Kapoor, Anupam Kher, Sunny Deol and others honor the legacy of Manoj Kumar

Mumbai, April 4: In heartfelt tributes to the iconic actor and filmmaker Manoj Kumar, B-Town celebs such as...

When Manoj Kumar spoke about life’s uncertainty and the inescapable reality of death

Mumbai, April 4: An old video of the late Manoj Kumar, sharing his profound thoughts on life's uncertainty...

PM Modi unveils 21-point action plan at 6th BIMSTEC Summit

Bangkok, April 4: Prime Minister Narendra Modi on Friday presented a comprehensive 21-point action plan during the sixth...