Draft Electoral rolls-ko pol party-rangna pakwata

TURA: Draft Photo Electoral Rolls-ko Registration of Electoral Rules, 1960 -o pangchake West Garo Hills district-ni ning·o ga·akgipa 46-Phulbari (GEN), 47-Rajabala (GEN), 48-Selsella (ST), 50-North Tura (ST), 51-South Tura (ST), 52-Rangsakona (ST), 56-Gambegre (ST) and 57-Dalu (ST) Legislative Assembly Constituencies-na tariaha aro uni copy-ko Deputy Commissioner’s office-na aro polling station ge·antiona nipilna gita wataha ine West Garo Hills Tura-ni Electoral Registration Officer, u·iataha.
Photo electoral roll-ko tarina gita qualifying date ba tarik 01-01-2025-ko donaha.
Notification-ni gita, photo electoral roll-o biming dongja ba biming segatanio maiba ong·gijanirang donga ong·ode uarangko 29-10-2024-oni 28-11-2024 tarikona form 6, 7, aro 8 -o on·na man·gen.
Indake ong·engon Draft Electoral Roll-ni hard aro soft copy-ko dam 11 Assembly Constituency-rangni dingtang dingtang political party-rangna DRDA Conference Hall, Deputy Commissioners’ Office Tura-o pakwate on·angaha.
Draft Electoral Roll-ko tariani miksonganiara vote on·na kragipa manderang pilakni bimingko elector ong·a ine napatna ong·a. Uandake Election Commission of India-ni schedule-o pangchake October 29 tarikoni November 28, 2024 -ona electoral roll-o biming dongja ba maiba gulanirang donga ong·ode uarangni gimin polling station-ona seokatgipa Booth Level Officers (BLO)-na u·iatna man·gen.
Apsan daken Sub-Divisional Officer (Election), Dadenggre Civil Sub-Division-ba Draft Photo Electoral Rolls-ko Registration of Electoral Rules, 1960-ni niamo pangchake Dadenggre sub-division-ni ning·o ga·akgipa biaprang- 44-Raksamgre (ST), 45- Tikkrikilla (ST) aro 49-Dadenggre (ST) Assembly Constituency-rangna tariaha aro uni copy-ko Sub-Divisional office (Election)-na aro polling station-ona wataha.