TURA: Wilwilao donggiparangna uandake bajar cha·na re·bagipa manderangni namgnina Purakhasia bajaro ATM donchina gita ACHIK, South West Garo Hills Deputy Commissioner, Hema Nayak-ko didiaha.
Iani bidingo ACHIK, Mongolbaro Deputy Commissioner-na memorandum-ko on·angaha.
Uamangni see on·gipa memorandum-o see on·ani gita, Purakhasia bajarona salantian bang·a manderang nanga bosturangko brena-botna re·batokenga, jemangan ATM service-ko nangchongmotenga. Da·o ATM donggiparang bajaronide km 1 mang chel·aosa ong·ani gimin manderangna namen engtoja ine memorandum-o janapangaha.
Purakhasia bajaro ATM-ko dongenchimode a·jolni manderang namgniko man·asan ong·aijawa indiba SBI-ni customer-rangba bang·batgen, unigimin ATM-ko ta·rake kulie on·china gita ACHIK didiaha.
South West Garo Hills-ni Purakhasia bajaro ATM-ko kulie on·china gita ACHIK dilgiparang memjalo Deputy Commissioner-na memorandum on·enga.