SHILLONG: Minggipin ja·ku de·chakkataniko dakna skang, Commission-ni chu·gimik order-ko Power Department-ni sengengmiting somoio, bijolini damko bariatna gita Meghalaya State Electricity Regulatory Commission-ni rai on·aniko Power Department matnangaha.
Power department-ni koboro mejal paraka je MSERC pilakna skang public hearing-ko ong·ata, jeon consumer-rangna uamangni chanchianirangko parakna chol on·a, uni ja·mansa bijolini damko tik ka·a.
Damko tik ka·ani niamrang donga ine aganengon, damko tik ka·rongbewal gitade uan pangnan 0-20 percent-san ong·aia aro una kominaba ba batnaba donga, koboro parakaha.
Koborogita, gital ge·etaniko on·gipao gita, skanggipa flab-o jean 0-ni 100 unit-rang ong·a, iana consumer-rangoniko Tg. 7.31 paisa-ko ra·a, jean Tg. 14.13 percent, average tariff-na komibata.
100 oni 200 unit-rangona bijoliko jakkalgiparangna mangba, kajina Tg. 7.46 mangni gitasan ong·aia.
Je manderangan 200 unit-na bate bijolirangko jakkala uamangna 7 percent kajina soka.
Unomitingo, Commission-ni chu·gimik order-ko man·soani ja·mansa sorkari iani bidingo aganna man·gen ine Power Minister, AT Mondal, Meghalaya State Electricity Regulatory Commission-ni rai on·gipani bidingo aganaha.
Ua indakeba aganaha, Power department petition-ko on·aha, indiba bijolini damko Commission-san tik ka·na bil man·aia.
