Tura: MPSC panel board of members-oni Garo member -ni term matchota ba bon·ahani gimin Resubelpara-ni MDC, Rinaldo K Sangma, Meghalaya Public Service Commission (MPSC)-ni ong·atgipa interviews aro screening-rangko dondipatchina dabiaha.
“Panel-o donggipa Garo membor-ni term mejaomangmang bon·aha, ian Garo candidate-rangna cholrang komia ba dongrikjana kennani donga, aro gipin community-ni candidate-rangna cholko tarie on·skaa gita ong·gen,” ine Rinaldo aganaha.
Uni gimin interviews aro screening-ko nirokgipa panel-o mongsonggipa gimik community-ni representative dongna nangchongmota. Garo candidate-rang bang·en dingtang dingtang dakgipa ra·bianirangko chagronga uni gimin iarangko nigrike interview aro screening test-o Garo member dongna nangnikaniko Rinoldo aganaha.
“Bangbanggipa post-ko gapatgija interviews aro screening test-ko ong·atode, selection process ba kamna mande rakkianio tik ong·gijanirang dongnaba donga, gimik candidate-rang apsan cholko man·janaba donga. Board of Panel-o Garo membor donggijaniara Garo candidate-rangna namen neng·nikani ong·gen aro cholrang komigen. Uni gimin panel-o Garo membor-ko ra·kuja dipetna MPSC-ni interviews aro sreening test-rangko dontongchina mol·molata ine Rinaldo aganaha.
Regards
