TURA: Bristibar salo, chang 48-gipa 100 Drums Wangala manianiko a·bachengatahani gimin ia salko Garo Hills-ni pilak biaprangon office aro skul-college-rangko chutti wattokahaoba, South Garo Hills a·jao District Selection Committee (DSC)-ni gita typing test-ko ra·na Baghmara-o donggipa Experiential Learning Centre-ko kulie kam ka·ahani gimin Garoland State Movement Committee (GSMC) Southern Zone suk ong·gijaniko parakataha.
Ia salo, Wangala maniani bak gita Garo Hills-ni dambonga a·jarangon pilak office-rangko aro skul-college-rangko chipe donchina District Administration ge·etaniko on·manahachim indiba ia salo, LDA aro Sectional Assistant-ni kamrangna dingtangmancha typing test-ko ra·na gita DSC, ia centre-ko kuliatahachim.
Iani bidingo GSMC-ni dilgiparang suk ong·gijaniko parakatengon, ian A·chikrangni mongsonggipa manianiko mande ra·gijani gita ong·aha ine parakataha.
“A·chikrangni dal·batsranggipa Wangala manianina pilak office aro skul-college-rangko chutti watahaon, iandake ia office-ko kuliataniara A·chikrangni manianiko mande ra·ja gita ong·aha. Iandakgipa kamko chinga GSMC raken jegalenga,” ine GSMC Southern Zone-ni co-chairman Luckistone R Sangma parakatenba, ia office-ko kuliatanio jak donggipa official-rangni kosako rakgipa ja·kurangko de·china dabiangaha.
Wangalana chutti on·ani salo SGH-ni office-ko kulianina GSMC jegala
Date:
Share post:
