SHILLONG: Meghalaya a·dokni Samagra Shiksha Abhiyan (SSA) skulrango skigiparangni dormaharangko bariatna gita a·dok sorkari somoi ra·dapkuaha.
Adita salrangna skangsan, All Meghalaya SSA School Teachers Association (AMSSASTA)-ni membor-rang, Education department-ni Commissioner & Secretary Vijay Mantri-ko grongenba, an·tangtangni dormaha bariatchina dabienggipani bidingo agangrikeahachim.
Ia tom·ani bidingo kobor ra·timgiparangna talate on·angengon, skigiparangna dormaha bariatna gita adita somoirangko on·dapkuchina sorkari official, uamangko mol·molaha ine AMSSASTA-ni president Peter Thyrniang parakataha.
Thyrniang-ni aganani gitade, adita salrangni gisepon ua Education department-ni dingtang dingtang kamrangna New Delhi-ona re·angenga ine Mantri, uamangna aganataha.
Indake ong·engon, Education department-ni Commissioner & Secretary-ko gronganio uamang, Meghalaya Teachers Eligibility Test (MTET)-ko pass ka·na gita pass mark-ko komiatchinaba mol·molaha ine AMSSASTA-ni president parakataha.
AMSSASTA-ni aganani gitade, da·o dipet MTET-ko pass ka·na gita komibeoba 60 percent-ko nangengani gimin uamang, pass mark-ko 45 percent-ona komiatchina Education official-ko mol·molaha aro ua uamangni mol·molaniko niatna ku·rachakaniko on·ataha.
“MTET-ni pass mark-ko komiatgenchimode SSA skulrango skigiparangba MTET-ko pass ka·pana cholrangko man·gen aro ian sorkari skulrango skigipani kamna dorgastorangko galpana gita chol ong·gen,” ine association-ni dilgiparang aganaha.
 |
ReplyForward
|
