SHILLONG: North Eastern Hill University (NEHU)-ni Vice Chancellor Prof Prabha Shankar Shukla-ko kam watchina aro University-ni Registrar baksana Deputy Registrar-ko ra·galchina dabie chatro chatrirang, okumu chake jingjengatengon, NEHU-ni VC kamtangko watkujaskal, uamangni jingjengataniko dontongkujawa ine NEHU Students Union (NEHUSU) parakatskaaha.
NEHU Shillong aro Tura campus-rangna Pro Vice Chancellor-rangko songe on·ani ja·manoba uni kosako jegale, jingjengatanirangko dakkuengani gimin NEHU-ni VC Prof Shukla, sal 13-na chutti ra·angskaahachim.
“Chingni dabianide iasan, NEHU-ni VC kamtangko watna nanga, ba uko kamoniko ra·galna nanga ong·jaode ua an·tangan university-ko wate re·angkamna nanga,” ine Robibar attamo, NEHUSU aro KSU NEHU Unit-ni dilgiparang parakataha.
“Ian chingni mol·molani ong·ja indiba chingni nangnikaniko mesokanisa ong·enga. Ia dabianiko chu·sokatkujaskal chingni okumu chakaniko dontongjawa aro batesa bilakbatatangkugen,” ine NEHUSU aro KSU NEHU Unit parakataha.
Batanggimin sal 12-na chatro chatrirang okumu chake jingjengatengani a·sel aro NEHU-ko chu·gimik chipatsrangahani a·sel university-ko chalaianio bang·a neng·nikanirangko chagrongna nangengahachim.
“Chinga maming dakeba bame on·jawa aro Prof Shukla, university-oni re·angkamjaskal maming dakeba neng·takjawa,” ineba NEHUSU aro KSU NEHU Unit parakataha.
Prof N Saha-ko NEHU-ni acting VC dake songaniko ra·chakangengon, uni agangipa kattarangko pilak chatro chatrirangan ra·chakahaoba, VC-ko ra·galsrangkujaskal NEHUSU aro KSU NEHU Unit-de, ia dakgrikaniko dontongkujawa ine parakatskaaha.
Iana skang, NEHU-o ong·enggipa obostarangko sandirokna gita Education Ministry, membor sakgni donggipa inquiry committee-ko songe on·angenba, sal 15-ni gisepon report-ko on·china ia co