SHILLONG: Assam baksa sima-arini bidingo gnigipa changna agangriktaiani bidingo a·dok sorkari maming chin dongja aro agangrikdilangna Chief Minister Conrad K Sangma aro Assam-ni Chief Minister Himanta Biswa Sarma-ko sengenga.
“Anga da·o dipet mamingkon ma·sija maina chinga Meghalaya aro Assam-ni Chief Minister-ni chanchigrikaosa pangchakenga. Uamang chanchirimtaigen aro uani gimin kam ka·ani mai ong·gen,” Deputy Chief Minister, Prestone Tynsong aganaha.
BJP aro HSPDP gita MDA sorkarini bakrimgiparangba sima-ariko namatna gnigipa changna agangriktaiani ru·utani gimin suk ong·jaenga.
Sima-arini bidingo gnigipa changna agangriktaiani ru·utani bidingo MLA-rangni gisepo chanchiani batroroenga ine Cabinet Minister aro a·gipi BJP dilgipa, AL Hek aganaha.
Gnigipa changna chanchigrikaniko dontonga bilsisa atamangna batangaha sorkari ge·gnian agangrikaniko a·bachengtaignok ine changni chang ka·dongataha.
Bon·kame tik ka·grikani bidingo sorkari ka·dongengama ine sing·on ‘‘Chinga jotton ka·gen indiba ua mamlako tik ka·na rakbegipa kam ong·a.’’
Gnigipa chango agangrikanirango Langpih, Borduar, Deshdoomreah, Block I-II, Psiar-Khanduli, aro Nongwah-Mawtamur-o sima-ari meligrikgijanirangko namatna a·dok damgnian kamko ka·enga.
Chanchigrikaniko a·bachengtaina sorkari ge·anian uamangni manderangna ku·rachakanio ka·dongataha. Maibakai Chief Minister Conrad K Sangma ru·utgija salo gnigipa changna agangrikani skanggipa bakko niatede namen dal·begipa ong·a ine aganaha.
Assam aro Meghalaya dam dok mongsonggipa biaprang baksa 885 km sima-ario meligrikgijani dongako ma·talaha. Chief Minister-rang sakgnian ua golmal dongenggipa a·jolrangona miksongani gita re·anga dongkujaenga.
