SHILLONG: Gambegre Assembly constituency-ni by-election-o Bharatiya Janata Party (BJP) chu·sokgipa ong·na man·jahani gimin jinma apsan asonge nipiltaina tik ka·angaha.
Iani bidingo kobor ra·timgipa manderang baksa agangrikengon, “Ia by-election-o maimancha ong·a uko name ma·sina gita chinga nipiltaianggen. Meghalaya a·doko election ong·ata changantian toromni gita gipin political dolrang chingko matnange aganrongani gimin chinga chingni campaign ka·ani bewalko dingtangatna nanggnok,” ine BJP Meghalaya-ni ku·wattimgipa M Kharkrang parakataha.
Kharkrangni aganani gitade, 2023 bilsini Assembly election-oba uamang ia apsankon ja·rikna jotton ka·ahachim indiba uamang rakbate kamko ka·na nangkuenga.
BJP-ni pilak dilgiparangan apsan asongenba, party-ni bilgrianirangko nipiltaigen aro changgipin election-na skang namdapatna nanganirangko namdapatna chanchirimgen ineba Kharkrang aganaha.
Election-rango BJP-ni chu·sokgijanirangko nigenchimode party-ni gita bang·en namdapatna nanganirang dongkuenga ineba Kharkrang aganaha.
“Meghalaya a·dokni namroro silroroaniko uamang pangnan gipin a·dokrang baksa tosusaronga indiba term bon·ahaode ba election-na skangde uamang pangnan toromni gita BJP-ko matnangna a·bachengskagnok. Ian skangonin ong·enga aro da·o changgipin election-rangode chinga iako warachakna an·tangtangko tarisamsona nanggnok,” ine BJP-ni ku·wattimgipa aganaha.
Gambegre by-election-ni result-rangko Sonibar salo parakatanio, BJP-ni candidate Bernard Marak, 710 vote-rangkosan man·rikaiahachim aro 706 vote-rangko man·gipa Independent candidate Jerry Sangma-na vote ge·brichisan bataiahachim.
Ia by-election-o Independent candidate ong·e susagipa Sengkrabirth Marak 147 vote-rangkosan man·rikskaaiahachim.