SHILLONG: NEHU Vice Chancellor-ni bidingo golmal ong·chichaani gisepo, Cabinet Minister aro a·dok sorkario a·gipi dilgipa, Ampareen Lyngdoh, a·doko dongenggipa Central-ni institute-rango ua kamko jako ra·na poraiani gadang chu·onggipa joltangni manderangna on·na nanga ine aganaha.
“Ma·mong sorkari indakgipa institution-rangko an·tangtangni man·gnina ong·gija bang·a a·dokrango donaha, an·chingni a·dokni manderangna an·chingni bil ama gita nambatako dake on·a ua gadangni kamrangko jako ra·na dingtangmancha jemangan poraiani gadang chu·onggipa ong·a a·doktangni mandena kamko on·a kragipa ong·na nanggen indiba man·ani ong·gipa a·dok namgni ong·na aro uamang ia obostao uako daka,” Lyngdoh aganaha.
Institute-o pilak ong·a obostako ma·sichina ma·mong sorkariko agane, chatro-chatrirangni pilak observation ka·anirangko nina rakgipa bil on·ani baksa uamangni report-ko on·gen ine matnanganirangko sandigipa committee sandigen, ua ka·dongenga.
Ma·mongni institution-rango dingtangmancha VC-ko rakkiani mamlani bidingo Ma·mong, a·dok sorkari baksa namedake chanchigrikna nanggen, University-o da·o mai obosta ong·ako nikenga iani gimin jensalo ma·mong a·dok sorkari chanchigrika unosa ia golmal tom·tomgen, ua aganaha.
Bang·arango dingtangmancha poraigipa chatro-chatrirango Meghalaya a·dokni manderang dingtangmancha ong·a uko ma·sichina Ma·mongko agane, University-o dal·en ong·enggipa golmalni bidingo bil-rengsina kamko ka·gipa dolrang baksa bak man·pajawa, ua aganaha.
“Indiba VC-ko rakkiani niamo pangchake ong·ja,’’ Ma·mong pilak tik ong·gijanirangko tik ka·na nangchongmota,” ua aganaha.
A·dok sorkari obostako namedake nienga, VC-ko ra·galna jegalgipa chatro-chatrirangna ua chakgen, ua aganaha.
“Poraigipa chatro-chatrirangko ka·o nangatnabe, mongsonggipa chanchianiko dakgija poraigiparangko galchipnabe ong·jaode na·a ia rokomni neng·nikani donggen aro jemangni neng·nikani namjabatgen aro neng·nikaniko nambatenggiparangde poraigiparangan ong·a,’’ ua agandaha.
