Williamnagar: Meghalaya Health Minister Ampareen Lyngdoh, Williamnagar MLA aro Cabinet Minister Marcuise N Marak, Health department-ni Commissioner & Secretary Joram Beda, East Garo Hills-ni Deputy Commissioner Vibhor Aggarwal, Health department-ni Joint Secretary TG Momin mangni dongpaanio mejal Sukrobar salni bako Williamnagar Civil Hospital-o dingtangmancha Critical Care Block-ko rikna gita, pangchakaniko songe on·angaha.
Ia Critical Care Block-ko matchotahaode East Garo Hills a·jao songdongenggipa manderangba gipin biaprangona re·angna nanggija, saa bilonggipa manderangkoba ia hospital-on sanna gita cholko man·gnok.
A·doko sason ka·enggipa MDA sorkariko dilenggipa Chief Minister Conrad Sangmani niksamsoe kamrangko ka·dilanichi a·dokni bang·bata biaprangon sanna-bannani cholrang nambatengaha aro mikkangchi bil ama gita nambatatna kamrangko ka·angkugen ine aganan baksa Chief Minister-ko uni kamrangna mitteljolangaha. Unbaksana joltangni MLA-ni, a·joltangni manderangna on·kange kamrangko ka·achi iarangko chu·sokatna man·enga ineba Health Minister jinmana parakangaha.
Wiliamnagar Civil Hospitalo ia Critical Care Block-o rika matchotenba sanna-bananirangko a·bachengatna man·ahaode, ian Williamnagar-ni manderangnasan namgni ong·aijawa, indiba chel·a sepango songdonggipa pilak songdonggiparangan namgniko man·gen ine Cabinet Minister Marcuise N Marak aganaha.
Unomitingo, a·jolni manderangna indakgipa namgni ong·gipa kamrangko chu·sokate on·na man·engani gimin Marak, a·dokni Chief Minister aro Health Minister-ko mittele aganaha.
W’nagar-o Critical Care Block-ko rikna Health Min pangchakaniko songe on·a
Date:
Share post:
