TURA: Dalu Block-ni ning·o donggipa Posenggagre Sub-Centre ba Health & Wellness Centre-of ambulance dongjani a·sel sagipa manderangko salrurana nangan somoirango neng·nikanirangko chagrongna nangtokenga ine nikenba, Gambegre constituency-ni gital MLA Mehtab Chandee A Sangma, ia sub-centre-na ambulance bolsako on·gilataha.
Kobor on·timgiparangni u·iatani gitade, Gambegre by-election-na campaign ka·engmiting somoirangon ia Posenggagre Health & Wellness Centre-na ambulance bolsako on·gilna gita ua ku·rachakahaniko on·ahachim aro uandaken Gambegre constituency-ni gital MLA-na seokako man·ani ja·man ua ia health centre-na ia ambulance gariko on·gilataha. Iani bidingo songni manderang aro sub-centre-ni official-rangba Gambegre-ni gital MLA-ko mittelpilatskaaha.
