Shillong Ropeway project-na pangchakani ro·ongko CM oprake on·anga

SHILLONG: Shillong Ropeway project-na Budbar salo, a·dokni Chief Minister Conrad K Sangma, pangchakani ro·ongko Shillong Peak-o oprake on·angaha.
Meghalaya a·doko ia skanggipa passenger ropeway-ko rikna gong kror 175 korosrangko hisape donenga aro ian Shillong songjinmani nitoaniko nie re·na tarienggipa ropeway-ba ong·enga.
Ia Shillong Ropeway project-na pangchakani ro·ongko ia bilsini January jao, a·songni President Droupadi Murmu songe on·angaha aro ian Meghalaya a·doko dal·batsranggipa tourism project-rangoni mingsa ong·enga.
Ia Shillong ropeway-ko Shillong Peak-oni Lawshotun-ona tarigen aro ian gipin biaprangoni rona re·baenggipa manderangnasan ong·aigija a·doktangni manderangnaba bang·en namgni ong·gen.
Ia Shillong Ropeway project-ni bak gita Budbar salo, a·dokni Chief Minister Conrad K Sangma, gong kror 1.5-ni gnigipa instalment-koba Riat Laban Dorbar Pyllun-na pakwate on·angjolaha.
Ia Ropeway project-na pangchakani ro·ongko oprake on·angani somoio, a·dokni Tourism Minister Paul Lyngdoh, Chief Secretary DP Wahlang aro dingtang dingtang official-rangba dongpae bak ra·angaha.
Ia Shillong Ropeway project-ara, a·doko Tourism-ko tang·doatan baksana gipin biaprangoni rona re·baenggipa manderangna mingsa niani aro rochakaniba ong·gen.