Friday, June 6, 2025
spot_img

NPP gride District council-o Executive Committee-ko rikna man·jawa: Ampareen

Date:

Share post:

spot_imgspot_img

SHILLONG: Autonomous District Council (ADC) election-ko chegipa darang dolan National People’s Party (NPP)-ni bakrimani gride Executive Council (EC)-ko rikna man·jawa ine NPP-ni dilgipa aro a·dokni Cabinet Minister Ampareen Lyngdoh a·kangataha.

“Ia sal somoirango pilakan ding·chaoatako man·tokenga gita nika indiba somoi sokahaosa an·ching obostarangko ma·sigen. MDA-o da·o bilsi gittam somoi dongkuengani gimin darangba chingko onnikna man·jawa. District council election-o sawa chea uade maming ong·ja indiba na·a sorkariko chalaienggipa party baksa apsan bakrimjaenga ong·ode Executive Council-ko chalaianio bang·e tangbangjawa,” ine Lyngdoh aganaha.

Mikkang bilsio ong·atna sienggipa KHADC aro JHADC election-o Voice of the People’s Party (VPP) chegopna ka·dongsotokengani gimin ua ia kattarangko aganaha.

“Anga iako agantaina ska, chong·motan India a·songni politics-de namen dingtanggipa ong·a maina an·ching mamingkoba agansona man·ja. Anga NPP-na agre gipin dolrangni gimin aganna sikja. Chinga kamrangko name ka·enga aro indita chasongrangna chu·sokatgijagipa kamrangko chinga chu·sokataha. Chinga manderang baksa meli-nangrime dongna jotton ka·enga,” ine Lyngdoh aganaha.

District council election-o sawa chegen ukoba ua agansona jechakaha indiba District council election-o chegipa ong·na gita NPP rakbee kamko ka·gen ine ua aganaha.

“Chingni membor-rang rake kamko ka·na nanggen aro anga ka·donga uamang namgipa report card-rangko man·gen,” ine NPP-ni dilgipa aganaha.

Indake ong·engon, party-ko dilenggipa manderangni gipinrangko party-tango napchina okamaniara maming ong·gijani dongja maina ian party-tangtangko mangrakbatatna miksonge dakanisan ong·aia ine NPP-ni dilgipa aro a·dokni Deputy Chief Minister Sniawbhalang Dhar parakatskaaha.

“Anga an·tangni party-nasa kam ka·enga aro gipinrangba apsan daken an·tangtangni party-nasa kam ka·enga. Pilakan party-tangtangko bilakbatatna nangnikesa kamko ka·eng,” ine Dhar, talataniko on·angaha.

Ua Congress-ona re·bapilani cholrang dongama ine sing·anina aganchakaniko on·angskaengon, “Angni nikani gitade NPP-an nambatgipa ong·aia. Apsan daken Congress dolni membor-rangba aro UDP-ni membor-rangba an·tangtangni party-kon namnikbattokaigen,” ine Dhar aganaha.

JHADC election-na NPP-ni skanggipa candidate list-ko da·o salsa salgnini gisepon parakatgnok aro uni ja·man gnigipa list-ko Krismasna skang parakatskagen ineba Dhar aganaha.

spot_imgspot_img

Related articles

MP: Woman killed by tigress near Bandhavgarh Tiger Reserve

Bhopal, June 6: In a tragic incident, a woman was killed by a tigress near Bandhavgarh Tiger Reserve...

Centre launches UMEED portal to register Waqf properties

New Delhi, June 6: The Union Ministry of Minority Affairs (MoMA) on Friday launched the Unified Waqf Management,...

Early periods, later menopause linked to slower brain ageing in women

New Delhi, June 6: Women with early onset of periods, and later menopause -- which means a longer...

India focused on development not interested in war, Pak wants to interrupt: Tharoor 

Washington, Jue 6: India is not interested in war or conflicts but is focused on growth and development,...