Mawkyrwat: West Khasi Hills District, Meghalaya State Rural Livelihoods Society baksa aro dipin department-rang baksa bakrime District Level Financial Literacy Campaign cum Exhibition-2024-ko Mawkyrwat Presbyterian Church Ground-o ong·ataha. Jeon Self Help Groups (SHGs)-ni sak 100 baten manderang bak ra·angtokaha.
Programko ong·atani miksonganiara, jinma manderangna social security scheme jekai- PMJJBY, PMSBY, APY aro MHIS ba uandakgiparangni gimin u·iatna ong·a. Jedakode manderang ia scheme-rangni gimin name tale u·ie ra·enba scheme-ni nam-gnirangko ra·na man·gen. Bank-ni on·gipa loan scheme-rangni giminba u·ie ra·na man·gen.
Iarangni gisepon free medical check-up ba indin medical check-up-ko ba ong·atjolaha, una agreba game cha·giparangni, artisan aro entreprenuer-rangni tarigipa bosturangko mesokatna ba palna stall-rangko donaha.
Programo South West Khasi Hills District-ni Deputyh Commissioner B. Mawlong, Chief Guest ong·e bakko ra·aha. L.T. Tariang, Additional Deputy Commissioner, Eson A. Khongrymmai, District Mission Manager of MSRLS, sorkari, bank-ni officer-rang aro SHG-ni memborrangba bak ra·angpaha.
