New Delhi: Meghalaya, a·dokni infrastructure, economic-ko namdapatna miksonganio 2-gipa Climate Investments and Technology Impact Summit-o kror 5000 batgipani project-rangko soi ka·aha.
Meghalaya-ni Chief Minister Conrad K. Sangma, kror 125-ni Advance Cluster Project, kror 1300-ni Multipurpose Convention Centre, University Campus-na MoUs-ko soi ka·aha. Soi ka·gipa agreement-o kror 500-ni Meghalaya Cable Car Ropeway Project, kror 125-ni Sustainable Collection and Conversion of Septic Waste and Sewage Waste ine Natural Fertiliser project, kror 1500-ni Artificial Intelligence aro kror 1000-ni Hydro Power Development-ko man·chapa.
Uandake summit-o aganprakmitingo Chief Minister, green technologies & investments-ni gamchatani gimin aganprakangaha. Aro climate change-o chagronggipa neng·nikarangani gimin aganangaha.
Ia project-rangan Meghalaya-ni economic-ko bariatgen, kamrangko bikotgen aro a·dokni environmental goal ba miksonganiko chu·sokatanio on·gilgen ine Sangma aganaha.
