Shillong: Re·baeng-gipa 2025 bilsio a·doko MDC election ong·na-siengon KHADC aro JHADC-o NPP aro UDP party ge·gnini bakrime su·saanio maming dakeba UDP-na neng·nikaniko ra·bajawa ine UDP President aro Mairang-oni MLA Metbah Lyngdoh aganangaha.
NPP dolni Khasi Hills-o niksenggijanichi 2025 bilsini MDC Election-o chu·sokna gita bang·a neng·nikaniko ra·bagen ine ua u·iataha. A·doko rikenggipa sorkari UDP aro NPP-ni ku·monge chalai-enggipa ong·oba, dolgnian KHADC-o kona noksiko dongesa kam ka·enga ine agandapangaha. NPP baksa bakrime a·doko sorkari-ko chalaiengon UDP dol MDC Election-o manderangni ka·donganiko man·genma ine kobor ra·timgiparangni sing·-angon, “ Manderang UDP dolsan dake chu·sokatgipa kamrang- kosa nipilataie chingna chu·gimik kam ka·china” ine Lyngdoh agandapangaha.
