SHILLONG: Re·baenggipa February jani 21 tariko ong·atna sienggipa District Council election-na Voice of the People’s Party (VPP)-ni sak 29 candidate-rangko, Budbar salo jinmana parake on·angaha.
Ia tom·aniko Iawmusiang taxi stand-o ong·atangaha aro ia sak 29 candidate-rangko VPP Disciplinary Committee-ni chairman Dr Kara H Shen, jinmana parake on·angaha.
Ia tom·aniko ong·atanio VPP-ni president Ardent Miller Basaiawmoit aro VPP-ni gipin membor-rangba dongpae bak ra·angtokaha.
District council election-o VPP-ni candidate ong·e susana sienggipa sak 29 manderangoni sakbride me·chikrang ong·a.
Ia tom·anio VPP-ni president Ardent Miller Basaiawmoit, jinmana aganprakatengon, pilak biaprangon VPP mingsing minggamako man·enga ine an·tangni ka·dongchakenganiko parakatenba, candidate-rangko seokani bidingo uamang, manderangna skie on·na jotton ka·enga ine aganaha.
Ia district council election-o manderang VPP-ni candidate-rangkon seokgen ineba Basaiawmoit, an·tangni ka·dongchakenganiko parakataha.
Khasi Hills Autonomous District Council (KHADC) aro Jaintia Hills Autonomous District Council (JHADC)-ni election-ko re·baenggipa 2025 bilsini February 21 tariko ong·atna tik ka·aha.
KHADC aro JHADC election-na gazetted notification-ko January 27 tariko on·gen, nomination file ka·ani bon·kamgipa tarikara February 3 tarik ong·gen aro ia apsan salon nomination lekkarangkoba scrutiny dakenba, nomination-rangko ra·pilani bon·kamgipa tarikara February 4 tarik ong·gen.
District council election-ni result-rangko February 24 tariko parakatskagen.
