SHILLONG: East Khasi Hills a·jani Mawsynram-o donggipa Mawjymbuin cave ba rong·kolko Hindurangna olakkina on·piljagenchimode Assam aro Meghalaya a·dokni gisepo donggipa ramarangko champengatgen ine Assam-ni Kutumba Suraksha Parishad (KSP) ka·mikkenataniko on·ahani gimin, uamangni kosako Hynniewtrep National Liberation Council (HNLC) bobil dol, mikrakatskaaha.
Meghalaya a·dokona dakbagipa ramarangko champengatna ka·mikkenataniko on·ahani gimin KSP dolko jegalatengon, ia Mawjymbuin cave-ara Hindurangni olakkiram biap ong·ja indiba Hynniewtrep manderangni ripingbagipa biaprangoni damsasa ong·a ine HNLC parakataha.
“Rama champengna aro jatrangni gisepo ding·chaogrikaniko ra·bana KSP-ni ka·mikkenatanina chinga kenja indiba ian uamangni mitchigrikani, dingtang dingtang jat aro toromni gisepo ding·chaogrikaniko ra·bana jotton ka·aniko mesokanisa ong·enga. Ia biapko KSP-ni olakkiram dakna ka·mikkenataniara Hynniewtrep a·songni kosako re·anisa ong·enga,” ine HNLC-ni general secretary Sainkupar Nongtraw parakataha.
Ia Mawjymbuin cave-ko chengonin Hynniewtrep manderangsa nirokbaenga ineba HNLC parakataha.
Ia Mawjymbuin cave-ni rongtalaniko rakkina gita Mawsynram-ni dorbar shnong, an·tangna on·gimin bilkosa jakkalaha ine janapatengon, “Iako pilakan tale ma·sie ra·china, chingni rongtalgipa biaprangko maikai chalaina aro rakkina nanga, darangba chingna skie on·na man·jawa,” ine HNLC-ni publicity secretary parakataha.
Nongtraw-ni parakatani gitade, Mawjymbuin Cave-ko Hindurangni olakkiram biap, jekai Kamakhya Temple, Tirupathu Balaji aro uandakgipa biaprang gita toaniara Hynniewtrep manderangni rongtale rakkigipa biaprangko ra·sekna jotton ka·ani gitasa ong·engachim.
“Ia Mawjymbuin Cave-ko Hindurangna olakkina on·piltaichina dabie KSP dol, ramarangko champengatgenchimode HNLC-ba ia mikrakataniko on·enga: chong·motan, Hindurangni mite nok ge·antikon chipna nanggen. Jat aro toromni gisepo uamang (KSP) dinggrikaniko ra·bana jotton ka·a ong·ode uamangba chingni bil gimikchi warachakaniko nikskana nanggen. Uamangni mite nokrang kulie donggenchimode chinga uarangko nisie galskagen. Uamang ding·chaogrikaniko ra·bana sikenga ong·ode uamang chingni warachakaniara mai dake ong·a, uko nina nanggen. Gipin biaprango donggipa manderangni ka·mikkenatanichi Hynniewtrep manderangko kenatna man·jawa,” ine HNLC mikrakataniko on·angaha.
Meghalaya a·dokona dakbagipa ramarangko champengatna ka·mikkenataniko on·ahani gimin KSP dolko jegalatengon, ia Mawjymbuin cave-ara Hindurangni olakkiram biap ong·ja indiba Hynniewtrep manderangni ripingbagipa biaprangoni damsasa ong·a ine HNLC parakataha.
“Rama champengna aro jatrangni gisepo ding·chaogrikaniko ra·bana KSP-ni ka·mikkenatanina chinga kenja indiba ian uamangni mitchigrikani, dingtang dingtang jat aro toromni gisepo ding·chaogrikaniko ra·bana jotton ka·aniko mesokanisa ong·enga. Ia biapko KSP-ni olakkiram dakna ka·mikkenataniara Hynniewtrep a·songni kosako re·anisa ong·enga,” ine HNLC-ni general secretary Sainkupar Nongtraw parakataha.
Ia Mawjymbuin cave-ko chengonin Hynniewtrep manderangsa nirokbaenga ineba HNLC parakataha.
Ia Mawjymbuin cave-ni rongtalaniko rakkina gita Mawsynram-ni dorbar shnong, an·tangna on·gimin bilkosa jakkalaha ine janapatengon, “Iako pilakan tale ma·sie ra·china, chingni rongtalgipa biaprangko maikai chalaina aro rakkina nanga, darangba chingna skie on·na man·jawa,” ine HNLC-ni publicity secretary parakataha.
Nongtraw-ni parakatani gitade, Mawjymbuin Cave-ko Hindurangni olakkiram biap, jekai Kamakhya Temple, Tirupathu Balaji aro uandakgipa biaprang gita toaniara Hynniewtrep manderangni rongtale rakkigipa biaprangko ra·sekna jotton ka·ani gitasa ong·engachim.
“Ia Mawjymbuin Cave-ko Hindurangna olakkina on·piltaichina dabie KSP dol, ramarangko champengatgenchimode HNLC-ba ia mikrakataniko on·enga: chong·motan, Hindurangni mite nok ge·antikon chipna nanggen. Jat aro toromni gisepo uamang (KSP) dinggrikaniko ra·bana jotton ka·a ong·ode uamangba chingni bil gimikchi warachakaniko nikskana nanggen. Uamangni mite nokrang kulie donggenchimode chinga uarangko nisie galskagen. Uamang ding·chaogrikaniko ra·bana sikenga ong·ode uamang chingni warachakaniara mai dake ong·a, uko nina nanggen. Gipin biaprango donggipa manderangni ka·mikkenatanichi Hynniewtrep manderangko kenatna man·jawa,” ine HNLC mikrakataniko on·angaha.
 |
ReplyForward
|
