SHILLONG: Re·baenggipa February jani 21 tariko ong·atna sienggipa Khasi Hills Autonomous District Council (KHADC) aro Jaintia Hills Autonomous District Council (JHADC) election damgnikon National People’s Party (NPP) chena ka·dongenganiko parakataha.
Iani bidingo kobor ra·timgipa manderang baksa agangrikengon, KHADC aro JHADC election-ko NPP chegopna man·gen ine NPP-ni dilgipa aro Sutnga-Saipung MLA Santa Mary Shylla parakataha.
Indake ong·genchimoba, ia election-ko chena gita NPP, manderangona re·ange, NPP-chi dilenggipa sorkarini manderangna ra·gate on·gipa dingtang dingtang scheme aro namgnirangni gimin agan-talate on·na nanggen ine Shylla aganskaaha.
Voice of the People’s Party (VPP)-ni bilakbaroroengani gimin sing·anina aganchakaniko on·angskaengon, Ardent Miller Basaiawmoit-chi dilenggipa VPP, manderangko changsade tol·na man·aba donga indiba changni changde uamang manderangko togie rochana man·jawa ine Shylla parakataha.
Indake ong·engon, political party-o chong·mot ong·ani dongjaode uandakgipa party-rang tangbangna gita man·rongja ine a·dokni Cabinet Minister aro United Democratic Party (UDP)-ni dilgipa Paul Lyngdoh, VPP-ko miksongani gnang aganaha.
“Political dolrangko bikote manderangni gisepo ding·chaoatnade namen altubea indiba ramarango chrokanirang matchotani ja·mansa manderang, maikai uamangni dedrang kamrangko man·gen aro maikai uamangni dormaharang barigen, uarangko chanchina nanggen,” ine Lyngdoh aganaha.
Lok Sabha election-de district council election-oni namen dingtanga ineba ua aganaha.
