SHILLONG: West Khasi Hills-ni Assam-Meghalaya border Umshek songni playground-o meja Bristibar salo 8-gipa edition-ni Songkritan Competition-ko ong·atanio Garo culture ba A·chikrangni dakrik-bewalrangko mesokangaha, uko nike manderang aiao inmanpiltokaha.
Gijang Area A-Chik Cultural Arts and Sports Association, programko ong·ataha. Program ba tom·aniko jolni chadamberang traditonal Wangala Dance ba chrokaniko mesoke a·bachengataha.
Salgimikna ong·atgipa programo Rambrai-Jyrngam -ni MLA Remington G Momin, mongsonggipa sokgipa ong·e (chief guest) bak ra·aha. Unbaksa A’chik Holistic Awakening Movement (AHAM)-ni president Aradonga Regiona Unit-ni Spren G Momin, general secretary Jenggrim A. Marak; aro FKJGP president Aradonga Regional Unit-ni Trellingstar Shira- uamangba bak ra·angaha.
Kamrup district-ni Garo Students’ Union-ni representative-rang, Meghalaya aro Assam jolo donggipa A·chik songrangoni bang·a manderang tom·anio bak ra·aha.
Tom·anio bakko ra·e aganprakmitingo MLA Remington Momin, Songkristan programko ong·atanina kusi ong·aniko janapatengon, ian Garo jatni tom·tome meli-ku·monggrike songsalo janggi tanganiko mesoka ine aganaha.
Ia bilsini competition ba susaanio Maspara, Malapara, Khasi Salbari, Malsapara, Athiabari, Ranikhat, Dogaon-Malang, Umshek, Madankillor aro Rongdhali songrangoni dolchiking cultural group-rang bak ra·aha.
Indake chroksusaanio Ranikhat, chegipa ong·e gong 30,000 tangkako man·aha. Maspara aro Dogaon- gnigipa aro gittamgipa biapko man·skae gong 20,000 aro 10,000 tangkako man·aha.
Assam-Meghalaya border-o ong·atgipa Songkritan chroksusaani A·chik jatni dakbewalko mesoka
Date:
Share post:
