Sunday, June 8, 2025
spot_img

Upper Damalgre songni gital UHWC-ko nokdonggaa

Date:

Share post:

spot_imgspot_img

AMPATI: Mongolbar salo, South West Garo Hills a·jani Rerapara C&RD Block ning·o donggipa Upper Damalgre songni gital Urban Health & Wellness Centre (UHWC)-ko Rangsakona constituency-ni MLA aro Khadi & Village Industry Commission-ni Chairman Subir Marak-ni jakchi nokdonggae on·angaha.
South West Garo Hills a·jao ian dokgipa UHWC-ko 15th Finance Commission-ni ning·o kulie on·ani ong·aha aro ian Upper Damalgre-ni wilwilao donggipa gimik damdok songni manderangna OPD aro dingtang dingtang sanna bananirangko ra·na chol ong·gnok.
Ia UHWC-o Medical & Health Officer, Staff Nurse, ANM, aro Grade IV-ni gadango kam ka·giparangko dongen aro uamang gisepgriko, ia songni wilwilao health camp-rangko ong·atjringgen.
Upper Damalgre songni UHWC-ko nokdonggae on·anganio, Rangsakona-ni MLA aro Khadi & Village Industry Commission-ni Chairman Subir Marak, jinmana aganprakangengon, ia gital kuligipa Urban Health & Wellness Centre-o indin on·na sienggipa sanna banani cholrangko jinmana talate on·angenba, ia health centre-ni namgnirangko ra·china songni nokni manderangko didiangaha.
India a·song gimikon Tuberculosis (TB) saaniko bon·atna gita kamrangko ka·engani gimin janapangengon, ia jolrangoba TB saaniko bon·atna man·na gita TB saani chin donggipa manderang pilakkon ia centre-ona re·bae, an·tangtangko porikka ra·e nichina Marak didiangaha.
Gisikni gita tik ong·gijagipa aro pekatgipa samrangko jakkalenggipa manderangkoba ia centre-ona rimbae, agan-ku·pattianirangko aro sanna bananirangko ra·china gitaba Marak didiangaha.
Ia UHWC-ko nokdonggae on·anganio, South West Garo Hills a·jani Additional Deputy Commissioner TK Sangma-ba dongpae jinmana aganprakengon, ia gital Urban Health & Wellness Centre-ko man·ahani gimin songni manderangna an·tangni kusi ong·chakaniko parakangenba, an·tangtangni sambao man·enggipa sanna banani cholrangko ra·china, songni manderangko ku·pattiangaha.
Ia tom·anio dongpae jinmana aganprakanggipa gipin manderangara, District Medical & Health Officer (DMHO), songni Nokma aro gipinrang ong·a.

spot_imgspot_img

Related articles

Women are now key drivers of progress in India: FM Nirmala Sitharaman

New Delhi, June 8 :Finance Minister Nirmala Sitharaman on Sunday highlighted that in the last 11 years, women...

CPI urges TN govt to end ‘discriminatory’ Class 11 admission practices in state schools

Chennai, June 8: Communist Party of India (CPI) state secretary R. Mutharasan has called upon the Tamil Nadu...

TN sets ambitious Kuruvai cultivation target as Cauvery panel prepares to meet

Chennai, June 8 :With favourable water storage levels in the Mettur reservoir and an optimistic monsoon forecast, the...

India scripting new chapter of national renewal in PM Modi’s decisive decade: Hardeep Puri

New Delhi, June 8 :India is scripting a new chapter of national renewal in every sphere -- economic,...