SHILLONG: Re·baenggipa February jani 21 tariko ong·na sienggipa KHADC aro JHADC election-o susanagiparangko baseengon, a·dokni Congress dol, Sukrobar salni bako sak 16 candidate-rangko gnigipa list-o parakataha.
Indake ia sak 16 candidate-rangoni sak 11-de Khasi Hills Autonomous District Council (KHADC) election-o susanagiparang aro gipin sak 5-de Jaintia Hills Autonomous District Council (JHADC) election-o susana sienggipa candidate-rang ong·skaenga.
Ia gnigipa list-o KHADC Election-o susana gita Congress dolni parakatgipa candidate-ranga, Victor Ranee-Jirang, Mickey Dauglas Syiem-Umroi, Lamborsing Nongrum-Nongkrem, Rilang Nongkhlaw-Langkyrdem Laitkroh, Monarch Shabong-Nongshken, Batskhem Marbaniang-Mawsynram, B Vitus Rymmai-Sohra, George Sun-Mawphlang Diengiei, G Ningstar Marthong-Nongstoin, Kodang Rashir-Mawshynrut, aro Pherdonnam Rngaid-Langrin ong·a.
Una agre JHADC Election-o susana gita Congress dolni parakatgipa candidate-rangara, Bitos Sari-Mukhla Ummulong, Katbanbiang Lamare-Nartiang, Richard Singh Lyngdoh-Mynso Nongjngi, Saron Pasweth-South Jowai, aro Lalwilliam Thiaite-Saipung Nongkhlieh ong·skaenga.
Indake da·o dipet a·dokni Congress dol, KHADC aro JHADC-o susaangna gita gimik sak 42 candidate-rangko baseangaha jeon, sak 16 candidate-rang JHADC election-o susaanggen aro gipin sak 26 candidate-rang, KHADC election-o susaangskagen.